SOMO 28
Adho ni nanga jini nari Yova ma nji ni dho Yesu ma na ná lo dho
Ni ká adi ni mbu ngbaribbai nidzá kau bbʉ bblo pli kʉ ná kado ni dho ró? Bbʉbbʉ dhé, føri dho ni ka ni e bbo hwè na ndirigoti ni ka ni dhori fø kau dho nari kʉ ni nanga jini ji fø kado dho. Yova ma, Yesu ma na bbʉngʉe ko dho nari kʉ bbo pli kʉ ná nzá ro ko ka ko bae ná kado. Føri ká kʉ ngbá kado ndirigoti ko ká ka ko po mbai ri dho ngbaribbai?
1. Mungu ma, Yesu ma na njingʉe ko dho ná lo dho ko nanga jini ngbà nari ká ko ka ko dhǒ ddikpa ngbá chulu?
Biblia rid’ra nari kʉ “ngbà u [Yesu] ná ke” ka ndi di cho ró nŭnŭ. (Yohana 3:16) Udha ká ko ka ko dho ngbaribbai? Udha na le kʉ nari nga kʉ le ú Yesu dhé ri. Kodho ringani ko di udha dho kodhó lonangavʉdha chulu ndirigoti ko nji ná lo chulu maddi. (Yakobo 2:17) Ko kʉ udha na nari ko di dho ko nji ná lo chulu ndirigoti ko ti ná lo chulu ró, ko kana kau ka ndi ngʉ kpakpa Yesu na ndirigoti kedzá Baba Yova na.—Azø Yohana 14:21.
2. Yova ma, Yesu ma na njingʉe ko dho ná lo dho ká ko adi mbai po bbo ngbá saa na?
Yesu dhe nari njí ngasdjó, ke d’rangʉe ngbaribbai ma ndi unakpa ka ndima po mbai ndi bbʉ ndi nari dho ná nja chu. Ke ngangʉe ddikpa bbo na mana kʉ ná lo tso, ná føri Biblia adi nzi “Bboke dzá ngasdjó nga dhi nyo,” inga ukumbusho. (1 Wakorinto 11:20) Yesu ngangʉe fø lo tso ndiro mitume ma, kpa goti sisi ná bbʉbbʉ Wakristo ma na krʉ di ndidzá shinga ndi bbʉ ko djotsina nari ngano d’e. Fø lo ndima ngʉ nji ná saa na, Yesu pongʉeri: “Anidi rinji fø ma nga nodha dho.” (Luka 22:19) Ukumbusho na ni si nari na, ni ridho ni po mbai ngbà Yova ma, Yesu ma na dhǒ ko dho ná bbo jidha djotsina.
ANE LONANGA BBO
Aneri ni chu ngbaribbai ma ni ka ni po mbai Yova ma, Yesu ma na dhongʉe ni dho ná bbo jidha dho ná nja chu ki. Anja addudho ma Yesu dzá dhe nga le no nari na mana kʉ bbo nari.
3. Mbai ko po nari ká ko ka ko dho ngbaribbai?
Addinga dda na ni e kò ro si nidhó shinga gø ná ke djo. Fø ke nji ni dho ná lo nga ká ni ka ni vi bbʉbbʉ? Inga ni ká ka ni po mbai ke nji ni dho ná fø lo dho nzá?
Ringani ko bbʉ kodhó maisha Yova dho. Azø 1 Yohana 4:8-10, ndirigoti anitilo i ngadhudha djo:
Yesu bbʉngʉe ndidzá shinga ná fø kado na mana ká kʉ bbo pli addudho?
Ni ká adi ni mbu ngbaribbai Yova ma, Yesu ma na njingʉe ni dho ná lo dho?
Yova ma, Yesu ma na njingʉe ko dho ná lo dho ko nanga jini ngbà nari ká ko ka ko dho ngbaribbai? Azø 2 Wakorinto 5:15 ndirigoti 1 Yohana 4:11; 5:3. Maandiko ni zø nari goti, anitilo i ngadhudha djo:
Fø maandiko ripo nari bbai, ko ká ka ko dho ko po mbai ngbà nari ngbaribbai?
4. Adyø Yesu
Ko nanga jini nari ko ka ko dho ná nja chu ki kʉ, Yesu ko dyø nari. Azø 1 Petro 2:21, ndirigoti anitilo i ngadhudha djo:
Yesu kowu ká ni ka ni dyø chøchø nga nǎ ro ngbaribbai?
Yesu jingʉe Mungu dzá lo ji, ke ngʉ adi hwè dhi lo-i d’ra ndirigoti ke ngʉ adi nja ndrŭ tsotso kó
5. Ano Yesu dzá dhe nga
Nja ni chu ngbaribbai ma lo dangʉe ya kwanza ukumbusho nǎ nari d’e, azø Luka 22:14, 19, 20. Ndirigoti anitilo i ngadhudha djo:
Yesu dzá dhe nga le ngʉ no ná ngana ká ngbá lo dangʉe?
Mukati ndirigoti divai na mana ká kʉ addu?—Anja verse 19 ndirigoti 20.
Yesu jingʉeri ndi unakpa di ndidzá dhe ngano ddikpa ina cho ddi kana ndima njingʉeri ná bi ddo dyì nǎ. Føri dho Yova dzá Dimu adi ndima tso nju krʉ cho ró ndiro ndima no kedzá dhe nga føri bbai d’e. Ndiro ni chu lo fø bbo na mana kʉ ná njudha djo d’e, aninja VIDEO. Ndirigoti anitilo i ngadhudha djo.
Ukumbusho nǎ ká ngbá lo adi da?
Mukati ma, divai ma na kʉ loroji dhé. Mukati dhǒ nari kʉ Yesu ndí kaka nari ko djotsina ke bbʉngʉe ndi ro. Divai dhǒ nari kʉ ke jù
NJA NDRŬ ADI RIPO: “Njati ni ú Yesu ngbà ró, føri kaka nja ni ba gødha d’e.”
Ni ká ka ni njínji Yohana 3:16 ndirigoti Yakobo 2:17 nǎ kʉ ná lo na ngbaribbai ndiro ni dhori ni ka ni njí ná nja lo ki ma kʉ ddi d’e?
LO DZÁ DɄNGA
Yesu nji ko dho ná lo dho ko nanga jini ngbà nari ko adi dhǒ udha na ko kʉ ke djo ndirigoti ukumbusho na ko si nari chulu.
Lo djolu le ngʉ nari
Udha na le kʉ Yesu djo nari na mana ká kʉ addu?
Yova ma, Yesu ma na njingʉe ni dho ná lo dho ni nanga jini ngbà nari ká ni ka ni dho ngbaribbai?
Ukumbusho na le si nari na mana ká kʉ bbo addudho?
NI KA NI CHU NÁ NJA LO
Yesu dzá dhe ká ka ndi cho ko ko nji addu?
Ke bbʉngʉe ndi ndí (mwili) ndiri na ndi bbʉ madha Yova dho d’e (9:28)
Aneri ni chulo bbo udha djo ndirigoti ngbaribbai ma ni ka ni é udha na nari djo.
“Onyesha Imani Yako Katika Ahadi za Yehova” (Munara wa Mulinzi, Mwezi wa 10, 2016)
Anja ngbaribbai ma ddikpa isɨle dhó maisha lee ndi thika Kristo bbʉ ndi ko djotsina nari ndi famu e ro nari, ɨ djo ripo ná lo nǎ, “Sasa Niko Safi na Ninafurahia Maisha.”
“Biblia Inabadilisha Maisha ya Watu” (Munara wa Mulinzi, 1 Mwezi wa 8, 2011)
Anja addudho ma ukumbusho nǎ, sese dhó hesabu kʉ ná ndrŭ dhé adi mukati nyo ndirigoti divai jø nari.