Ni ká kʉ udha na nì?

Ndiro ko nji ná lo tho Yova nyǒ d’e, ringani ko é udha na. Ro, Biblia pori “udha nga kʉ ndrŭ krʉ dhó ri ri.” (2 Te. 3:2) Mutume Paulo pongʉe fø lo ná saa na, ke ngʉ loti nza ngʉ ndi nza ná ndrŭ ma, “vo ka ndi vo le ronga ná lo ma, che lo ma na nji ná kpa” ma na djo. Ro, udha djo ke po ná lo ka ndi é bbʉbbʉ nja kʉ ná ndrŭ djo maddi. Nja kʉ ná ndrŭ nzɨ adi riji ndima u krʉ ritsi no ná Mungu kʉ nì nari ro ri. (Ro. 1:20) Ndirigoti nja kʉ ná ndrŭ ka ndima pori ndima kʉ udha na kpakpa kʉ ná ddikpa ritsi na inga ddikpa ke djo. Ro føri nga kʉ bbʉbbʉ udha ri.

Ri kʉ bblo ko uri u nari kʉ Yova kʉ nì ndirigoti ke adi bbʉbbʉ udha na kʉ ná ndrŭ ronga le le. (Ebr. 11:6) Ndiro ko é fø di ná udha na d’e ringani Mungu dhó roho takatifu kó ko tsotso. Ndirigoti ko ba roho takatifu d’e ringani ko ko ri Yova tso sala chulu. (Lu. 11:9, 10, 13) Roho takatifu ko ka ko ba ná ddikpa chu kʉ, Biblia ko zø nari. Ndirigoti ko ka ko ddinga ko zø ná lo djo ndirigoti ko njínji ko chu ná lo na. Fø ko rinji nari na ko ribba Yova dhó roho takatifu kó ko tsotso ndiro ko ishi ná chu dhori nari kʉ ko kʉ Yova nyǒ tho ná udha na nì.