Ngbaribbai ma ni ka ni nó maandiko nga nari

Nja saa na ká rie kpakpa ni nó b’lo ni zørie bí ina Biblia nǎ ro ná ddikpa verse nga? Njaro ri ka ndi é kpakpa adi ni li ná ri, ni tsotso adi kó ndiro ni si che kʉ ná ngaddidha djolu ná ri inga nja ndrŭ dho ni adi ji ni zø ná ri. (Zb. 119:11, 111) Anja ni tsotso ka ndi kó ndiro ni di maandiko ngano d’e ná lo di.

• Anjinjí JW Library^® na. Njati ni ba ni ji ni nonga ná andiko Biblia ni zø JW Library djó ná saa na ró, ni ka ni li ri tse ni si ri ba ná ngana.

• Ali andiko tse ni ka ni nja ri ná ngana. Adi ni ji ni nonga ná andiko ndí ddikpa kar karatasi djo ndirigoti adi ri li tse ni ka ni di ri nja ná ngana. Nja ndrŭ adi ndima dhó ri li tazama ro; nja ndrŭ adi ri li frigo ró dzaitso ro. Godhé, nja ndrŭ adi andiko ró ji lø ndirigoti kpa adi ri li ndima dhó telefone inga ordinater nyǒ djo.

• Adingandi ddikpa kar karatasi djo. Andi Biblia nǎ buku ma, ri dhi sura ma, ri dhi verse ma na fø karatasi djó ddinga laidjo ndirigoti ri nǎ lo njanga laidjo. Føri goti, amburi ni ngʉ fø andiko nǎ lo djolu ni djǒ nǎ ro nzɨ ni ri zøzø ro ndirigoti ano ri ká bani Biblia nǎ ngbá sehemu nǎ nari nga.