Ciiyo 16

Amutondeshe Lusuno Lwanu Kuli Lesa

Na mulisuni ayi bushicibusa butolelele a mubyanu, mulyeelete kunobandika anguwe. Na mutobandika noonse mulabikako mano kukutika na mubyo kaamba. Alimwi mulalwita bantu bamwi mibo ibotu ya mubyanu. Ncomwibo akuba shicibusa wakwe Lesa. Amubone nshoyaambawo Baibolo:

Munokwaamba a Yehova lyoonse mu mupailo. “Munoopaila lyoonse.”—Bene Loma 12:12.

Munobelenga Maswi akwe Lesa, Baibolo. “Malembo akwe Lesa oonse akayubululwa anguwe mwiine alimwi alayandika mukwiisha shalushinisho, kukasha shilubo, kululika shitaluleme.”—2 Timoti 3:16.

Munokwiisha bantu bamwi shakwe Lesa. ‘Kamuya mukanokwiisha bantu bamishobo yoonse. Mukabeeishe kukonkela shiintu shoonse nshendakamulwiita.’—Mateyo 28:19, 20.

Munocanika a bashicibusa bakwe Lesa. “Muntu weenda abasongo alakwe ulaba musongo.”—Tushimpi 13:20.

Munocanika ku mabungano ku Ng’anda ya Bwaami. ‘Katuyeeya bamakwabesu kwaamba ayi tunoocafwana kubonesha lusuno lwancinencine alimwi akucita shibotu. Tunoyuminishanya.’—Bene Ebulu 10:24, 25.

Munocafwilisha ncito sha Bwaami. “Womwi awomwi ulyeelete kupa kweelana amoyo mbowayanda, kuteshi myoyo yobilo nabi kukakatishikwa ceebo Lesa ulisuni bantu bapa cakusangalala.”—2 Bene Kolinto 9:7.