CIIYO 7

Makani Ancine Acafwa Bantu Kushoma

Luka 1:3

CITEENTE CINENE: Amwaambe makani ancine eenga acafwa batookutika kushiba cancine.

Amusebenseshe makani ancine. Nshemutokwaamba shilyeelete kuswa mu Maswi akwe Lesa, na kacikonsheka amubelenge kuswa mu Baibo. Na mutokwaamba pamakani akashinishikwa asayansi, lipooti kuswa panyusi, shakacitika, na makani amwi akacitilwa bumboni, amutaangune kushinisha kwaamba ayi makani ayo ngancine alimwi mbwabete apacecino ciindi.
Amusebenseshe kabotu makani. Amusansulule malembo kweelana ashitokwaambwawo, kweelana amakani anene aambwa mu Baibo, amabuku alembwa a “musebenshi ushomeka.” (Mate. 24:45) Na mutosebensesha makani akalembwa abantu bamwi, amwaambe kweelana abeene mbobakaalemba, taeelete kupusana amwiine nshaakaamba.

Amwaambe mweelo kweelana amboolembetwe. Mulyeelete kubikilaako maano na mwacana maswi akwaamba ayi “bantu bamwi” mutaaluli akwaamba ayi “bantu boonse,” “cimwi ciindi” kuba “lyoonse,” “cilyeelete” kuba “mpashi.”
Amusebenseshe miipusho. Pesule lyakubelenga lilembo na libuku limwi, amwiipushe miipusho ili kabotu na kusebensesha cikoshanyo kwaamba ayi beshikukutika bashinishe beene makani ngomutobandikawo.