BUUMI BWA BWINEKLISTU

Mibo Ibotu Abulemu Inga Shalengesha Ngomweebenaakwe Kwiiya Cancine

Na mwanakashi weeya cancine kaeebetwe kale, mibo yakwe ibotu inga yapa kwaamba ayi beebaye abalo beeye cancine. Nacibi boobo, inga catola myaaka iinji yakuliyumya mumapensho kwaamba ayi ici cikonsheke. (1 Pita 2:21-23; 3:1, 2) Na beebaanu batoomupensha, amutolelele kukoma shibiibi kwiinda mukucita shibotu. (Loma. 12:21) Mibo yanu ibotu inga yapa kwaamba ayi beebaanu beeye cancine.

Amweeleshe kubona shintu kweelana ambomweebenaabo mbobashibona. (Fili. 2:3, 4) Amube amushimu wankumbu akuyeeyelako bamwi, amucite nsheenga mwacikonsha mukukumanisha kabotu mikuli yanu mbuli mwanakashi. Munookutika cakubikila maano. (Jemu. 1:19) Amukalike moyo, akutondesha ayi mulibasuni beebaanu. Nabi kwaamba ayi mbomweebenaabo tabamutondeshi nkumbu abulemu mbuli mbomubatondesha, mutaluubi kwaamba ayi Yehova alalumba abuumbi pakushomeka kwanu.—1 Pita 2:19, 20.

AMWEEBELE VIDYO ICITE MUTWI UTOKWAAMBA AYI YEHOVA ALATUCAFWA KUYUMUNA MIKULI YESU LYALO AKUBANDIKA MIIPUSHO ITOKONKELAAWO:

Ino buumi bwakalinga buyani kumatalikilo acikwati caba Grace Li?
Ino nciinshi cakapa kwaamba ayi batalike kwiiya Baibo?
Ino nankashi Li wakaliyumya buyani ndyaakalinga kwiinda mumapensho pesule lyakubombekwa?
Ino nankashi Li wakalinga kupailila nshi pa beebaye?
Ino nshoolwe nshi nankashi Li nshaakacana ceebo ca mibo yakwe ibotu abulemu?

Shikope: Shikope shili muvidyo icite mutwi utokwaamba ayi ‘Yehova Alatupa Nkusu sha Kucikonsha Kuyumuna Mikuli Yesu,’ shitotondesha ba Grace Li bakaya panembo. 1. Ba Grace batoolila. 2. Nankashi atokwi-isha Baibo ba Grace. 3. Ba Grace abana babo baswa nkobasebensela batooya kumabungano. 4. Ba Grace abeshikamukowa babo bali 9 bali pa Ŋanda ya Bwaami. — Mibo ibotu abulemu shilicite nkusu abuumbi!