“Bantu Boonse Bamucishi Bakalinga Kwaambabo Mulaka Womwi”

11:1-4, 6-9

Pa Babelo, Yehova wakapalanganya bantu batanyumfwi kwiinda mukufulunganya mushobo wabo. Munshiku shino utoobunganya likoto lya bantu baanji kuswa mushishi shipusene pusene amilaka ipusene pusene akubapa ‘mushobo usalalite,’ kwaamba ayi ‘kabeeta pa liina lyakwe Yehova akumusebensela calucatano.’ (Sefa. 3:9; Ciyu. 7:9) ‘Mushobo usalalite’ cilasansulula cancine pali Yehova akuyanda kwakwe kucanika mu Malembo.

Nshiinji shiilikitweemo kwaamba ayi muntu acikoonshe kwiiya mushobo upya, kuteshibo kulabilila maswi. Muntu utokwiiya mushobo upya alyeelete kwiiya bantu mbobayeeya mumushobo uyo alimwi ambowaambwa. Aboobo mbocibete akwiiya mushobo usalalite wa cancine, tulyeelete kwaalula miyeeyo yesu. (Loma. 12:2) Kutolelela kucita boobo kulatucafwa kwaamba ayi tucatane mbuli bantu bakwe Lesa.—1 Koli. 1:10.