“Amusowe Balesa Beensu”

Jakobo wakalinga kucishi ayi alyeelete kulambila Yehova eenkabo, nabi kwaamba ayi paciindi ico Yehova kaatana kubika mulawo ukasha kulambila shibumbwabumbwa. (Kulo. 20:3-5) Aboobo, Yehova ndyaakalwiita Jakobo ayi aboolele ku Betelo, Jakobo wakalwiita boonse mbwaakalingaabo kusowa shibumbwabumbwa shabo. Lyalo Jakobo wakasowa shibumbwabumbwa isho, kwiilikaawo amasikiyo ayo ngobakalinga kufwala mbuli shitumwa. (Mata. 35:1-4) Cakutatoonsha, Jakobo nshaakacita shakasangalasha Yehova.

Ino munshiku shino inga twatondesha buyani ayi tulalambila Yehova eenkabo? Cintu ciyandika ncotweelete kucita, nkuleya cintu cilicoonse cikumite shibumbwabumbwa na shamishimu. Ici cileelikaawo kusowa cilicoonse cikumite shamishimu akusala kabotu shakulikondelesha. Kucakubonenaako, amuliipushe ayi: ‘Sa ndabelenga mabuku nabi kweebela mafilimu aamba pa shamishimu, shamasalamushi na shibanda? Sa shakulikondelesha nshonjebela shilatondesha shintu shamasalamushi kuboneka anga nshibotu?’ Tulyeelete kuleya cilicoonse Yehova ncaapatite.—Kulu. 97:10.

AMWEEBELE VIDYO YACITONDESHO ICITE MUTWI UTOKWAAMBA AYI “AMUPIKISHE MUBIIBI,” LYALO AMUBANDIKE MIIPUSHO ITOKONKELAAWO:

• 

  Ino ndipenshi nshi shikwiiya Baibo wa liina lya Palesa ndyaakacana?

• 

  Ino nceebonshi ncintu camaano kusenga lucafwo ku bamanene na swebo nabi shikwiiya Baibo kaacite lipenshi lya sha mishimu?

• 

  Ino nshintu nshi nshotweelete kuleya na tulisuni kushitilishikwa a Yehova?

• Ino nciinshi ba Palesa ncebakacita?

• Kweelana ankomukala, ino nshiinshi nsheenga mwaciita kwaamba ayi mutayungwi abashikaswa?