Sheenga Shatucafwa Kushimikila Kabotu​—Kushimikila Kwiinda Mukusebensesha Intakomu

MULANDU NCOCIYANDIKILA: Kuya panembo kwa shakupangapanga akufula kwa bubiibi kwalengesha ayi bantu batalike kusebensesha ma kamela na intakomu. Mpashi inga twaloonda kushimikila makani abotu kumuntu ngotutabwene sombi lakwe kaatubona. Shitokonkelaawo inga shatucafwa kushimikila cakutaloonda kusebensesha kamela na intakomu.

NSHEENGA MWACIITA:

• Munoobona bantu munshila yeelete. Bantu baanji bacite makamela na intakomu pamaandabo, balaba balibambite kubandika andiswe

• Mulyeelete kushiba ayi makamela amwi alatalika kulekoda shitocitika, alimwi mwineŋanda alabona akunyumfwa shoonse shitocitika kamutana kushika pamulyango

• Na mwineŋanda wakumbula, amubandikaakwe kwiinda mukusebensesha kamela na intakomu bweenka mbomucita na mutobandika amuntu ngomubwene. Munomwetamweta akusebensesha maansa bweelete. Amwaambe makani eenka ngeenga mwasuna kumulwiita na mwamucana pansengwe. Na balasebensesha kamela, tamweelete kubika ciwa canu pafwiifwi abuumbi. Na mwineŋanda taana kukumbula, mutashiyi meseji nabi kwaamba ayi inga mwacita boobo

• Pesule lyakumanisha mubandi, mulyeelete kushiba kwaamba ayi mwineŋanda mpashi inga kaaceebela akukutika nshemutokwaamba