BUBONI BUCANIKA MUMASWI AKWE LESA | KULONGA 35-36

Balibambite Kusebensa Ncito Yakwe Yehova

35:25, 26, 30-35; 36:1, 2

Mushimu usalashi wakwe Yehova wakacafwa Besalelo a Oolyabu kukonkela bubaambo boonse bwakupanga tente ya cipangano. Amunshiku shino, Yehova alasebensesha mushimu wakwe usalashi kucafwa basebenshi bakwe. Ino tulyeelete kucita nshi kwaamba ayi mushimu usalashi utucaafwe?

Tulyeelete kupaila kwaamba ayi mushimu usalashi utucaafwe kusebensela Yehova peela nkusu shesu
Tulyeelete kubikila maano kukubelenga Maswi akwe Lesa akatanjililwa amushimu
Tulyeelete kusebensa peela nkusu shesu muncito iliyoonse njetwapekwa

Shikope: Bakamboni Bakwe Yehova batoosebensa ncito shipusenepusene shabulesa. 1. Benankashi batocafwilisha pancito ya shabuyake. 2. Mukwesu atolibambila kutanjilila ciiyo ca ‘Njashi Yamulindilishi.’ 3. Mukwesu atooshimikila musankwa uulisha mushopu lyalo mukwesu umwi ngwaatoshimikila akwe atoobikila maano kulanga beshikupikisha. 4. Beebene bali kucikolo ca Bashimikila sha Bwaami.

Ino Yehova inga wamucafwa kuba ulibambite kusebensa ncito shili?