Sa Mulilibambite Kulemba Foomu Yakuya Kucikolo ca Bashimikila sha Bwaami?

Sa mulicite myaaka pakati ka 23 a 65 alimwi muli muncito yaciindi coonse? Sa mulicite buumi bwakutaciswa ciswa, alimwi sa inga mwacikonsha kuya mukusebensela kumusena ubulishite? Na mwakumbula ayi ee kumiipusho iyi, sa mwakayeeyawo kale kulemba foomu yakuya Kucikolo ca Bashimikila sha Bwaami? Kuswabo ciindi cikolo ici ndyecakatalika, kuli beebene, bamakwesu abenankashi batabete mucikwati baanji bakalemba mafoomu akuya kucikolo ici. Nacibi boobo, kutoyandika bamakwesu baanji batabete mucikwati kwaamba ayi balembe mafoomu akuya kucikolo ici. Amusenge Yehova kwaamba ayi amucaafwe kukomenya lusuno lwanu lwakucita shimusangalasha alimwi akukonkela cakubonenaako ca Mwanaakwe. (Kulu. 40:8; Mate. 20:28; Ebulu 10:7) Lyalo amubone mbweenga mwaceeshako shakucita mubuumi kwaamba ayi mweelele kucanika kucikolo ici.

Ino nshoolwe nshi abo bamanisha cikolo ici nshobacana pesule lya kwiishikwa? Bamwi na bamanisha cikolo ici balatambula coolwe cakuya mukusebensela kumisena nkobaamba mishobo imwi, na kwabanaamo lubasu mukushimikila kulibetele mumatauni mucanika bantu baanji. Bamwi balatumwa mbuli shikwiimikaninaako mutanjilili walubasu, mutanjilili walubasu, na mishonali. Ndyemutoyeeya nsheenga mwaciita muncito yakwe Yehova, inga mweebaluka maswi akaamba mushinshimi Isaya ayi: “Mpoondi Nkambo! Amuntuume!”—Isa. 6:8.

AMWEEBELE VIDYO ICITE MUTWI UTOKWAAMBA AYI BAMISHONALI—BASEBENSHI MUNCITO YAKUTEBULA, LYALO AKUBANDIKA MIIPUSHO ITOKONKELAAWO:

• 

  Ino bamishonali balasalwa buyani?

• 

  Ino nincito nshi ibotu bamishonali njobasebensa?

• 

  Ino nshoolwe nshi bamishonali nshobacana muncito yabo?