Tulalumba Lesa a Klistu Ceebo ca Lwaanguluko Lweshi Lukabeeko Kunembo

Ino ngamapensho nshi ngomwiindaamo bushiku abushiku? Sa ndimwe mutwi wa mukwashi utokweelesha kukumanisha mikuli iinji? Sa ndimwe mushali womwi utokweelesha kucanina mukwashi shiyandika? Sa ndimwe wacanike utopenshekwa kubeshicikolonyina? Sa mulaciswa ciswa na kwiinda mumapensho esa ceebo cakukula? Soonse tuleenda mumapensho. Beneklistu baanji batokwiinda mumapensho apusenepusene paciindi comwi. Nacibo boobo, tulishi kwaamba ayi conoonobo Yehova ulakwaakushaawo mapensho aya.​—2 Koli. 4:16-18.

Kushikila ciindi ico ndyeshi cikashiike, tulayuminishikwa kushiba kwaamba ayi Yehova ulatunyumfwishisha ndyetutokwiinda mumapensho, ulalumba pakushomeka akuliyumya kwesu, alimwi ulaakutupa shoolwe shiinji. (Jele. 29:11, 12) Yesu ulatubikila maano abuumbi. Wakatushomesha ayi: ‘Ananooli andiswe’ ndyetutokumanisha mikuli yesu ya Bwineklistu. (Mate. 28:20) Na twakutumana akuyeeya palwaanguluko ndweshi tukabaalo mu Bwaami bwakwe Lesa, tulatolelela kulangila akuliyumya mumapensho ngotutokwiindaamo pacecino ciindi.​—Loma. 8:19-21.

AMWEEBELE VIDYO ICITE MUTWI UTOKWAAMBA AYI CIPUUPU NDYECITOOSENA PAFWIIFWI, AMUTOLELELE KULANGA KULI YESU!​—SHOOLWE SHA BWAAMI SHILI KUNEMBO, LYALO AKUBANDIKA MIIPUSHO ITOKONKELAAWO:

• Ino bantu bakalitalamusha buyani kuli Lesa, alimwi ino nshiinshi shakaswaamo?

• Ino bantu batolelela kushomeka kuli Yehova balaakutambula shoolwe nshi kunembo?

• Ino shoolwe shili kunembo shilaakukumanishikwa buyani?

• Ino nshoolwe nshi nshemutolangila mucishi cipya?