BUUMI BWA BWINEKLISTU
“Mutanoolisukama”
Yehova wakalinga kucafwa bakandu muciindi cabene Isilaeli. Ino basebenshi bakwe bakandu alabacafwa buyani munshiku shino?
Alabaiisha kubona maali munshila yeelete.—Lk 12:15; 1Ti 6:6-8
Alabacafwa kulibona munshila yeelete.—Jobo 34:19
Alabaiisha kusebensa cankusu akuleya kucita shintu sheenga shabaletela mapensho.—Tu 14:23; 20:1; 2Ko 7:1
Wakabaleta mumukwashi wa Bwineklistu ucite lusuno.—Joni 13:35; 1Jo 3:17, 18
Alabacafwa kulangila buumi bwakunembo.—Kulu 9:18; Isa 65:21-23
Nabi twiinde mubukaalo buyumu buyani, tatweelete kulisukama. (Isa 30:15) Yehova alaakutolelela kutupa nshetuyandika lwakumubili na twatolelela kubika sha Bwaami panembo.—Mt 6:31-33.
AMWEEBELE VIDYO ICITE MUTWI UTOKWAAMBA AYI LUSUNO TALUMAANI NABI KATULI . . . MUBUKANDU—CONGO, LYALO AKUBANDIKA MIIPUSHO ITOKONKELAAWO:
Ino bamakwesu bekala pafwiifwi amisena kubeta kubungana kunene balatondesha buyani mushimu wakutambula beensu, kubaabo beenda mishinso kwaamba ayi bacanike kukubungana kunene?
Ino nshotweebela muvidyo shitootwiisha nshi palusuno lwakwe Yehova pabakandu?
Ino cakubonenaako cakwe Yehova inga twacikonkela buyani nabi kwaamba ayi tulicite shintu shiinji lwakumubili na sobwe?