Muyoba Unene—Mbani Bakakutika? Mbani Batana Kukutika?

Bantu baanji mu ciindi cakwe Nowa bakalinga kucita shibiibi. Matalikilo 6:5

Adamu a Efa bakashala baana, alimwi bantu bakafula pa cishi. Mukwiinda kwa ciindi, baangelo bamwi bakalibika ku lubasu lwakwe Sataana mukutanyumfwila.

Bakesa pa cishi akufwala mibili ya bantu kwaamba ayi beebe banakashi. Banakashi mbo bakeeba bakashala baana basankwa bakali, alimwi bankusu abuumbi.

Cishi cakesulamobo bantu bakalinga kucita shintu shibiibi. Baibolo ilaamba ayi: ‘Womwi awomwi pacishi ca panshi wakalinga mubiibi, miyeeyo yakwe yakalinga ibiibi ciindi coonse.’

Nowa wakakutika kuli Lesa akuyaka bwaato. Matalikilo 6:13, 14, 18, 19, 22

Nowa wakalinga muntu mubotu. Yehova wakalwita Nowa ayi ulakunyonyoola bantu babiibi kusebensensha muyoba unene.

Alimwi Lesa wakalwita Nowa kuyaka bwaato bunene, bwakalinga kwitwa ayi alaka, alimwi akwinjishamo bamung’anda yakwe ashinyama sha mishobo yoonse.

Nowa wakacenjesha bantu pa muyoba wakalinga kusa, ono balo tabana kukutika. Bamwi bakalinga kumuseka; bamwi bakamupata.

Ndyakamanisha kuyaka bwaato, Nowa wakenjishamo shinyama.