Maswi Akutalikila Mulubasu 12

Yesu wakeeisha bantu pa Bwaami bwakwiculu. Alimwi wakabeeisha kupailila liina lyakwe Lesa kwaamba ayi lisalashikwe, kwaamba ayi Bwaami bwakwe buse, alimwi ayi kuyanda kwakwe kucitwe pacishi. Na muli bashali amusansulwite mwanaanu kushiba mupailo uyu mbweenga watucafwa. Yesu taakwe kusuminisha Satana, kumupa kucileka kushomeka kuli Yehova. Yesu wakasala batumwi alimwi mbobakalinga bakutaanguna kuba lubasu lwa Bwaami. Amubone Yesu mbwaakalinga kusebensa cankusu mukulambila kwancine. Yesu wakalinga kushilika balwashi, kupa shakulya bakalinga kufwite nsala, alimwi akubusha bantu kuswa kubafu, mukwiinga wakalinga kusuni kucafwa bantu. Wakatondesha Bwaami nsheshi bukacitile bantu, kwiinda mukucita nshaankamiko shoonse ishi.