CIIYO 1

Ntalikilo Ibotu

Milimo 17:22

CITEENTE CINENE: Ntalikilo ilyeelete kulengesha batookutika kusuna kukutika nshemutokwaamba, kushiba nshemutokwaambawo, akubatondesha mbweenga shabacafwa.

NSHOMWEELETE KUCITA:

Amucafwe batookutika kusuna kukutika nshemutokwaamba. Amusale mwiipusho, shakacitika mubuumi, na makani ngomwakanyumfwa panyusi bantu ngeenga basuna kunyumfwa.

Amuyeeyele limwi nsheenga bantu basuna kukutika ashibasukamika, lyalo inga mwalibambila ntalikilo yanu kweelana amakani ayo.
Amushibe makani ngeshi mubandikewo. Mulyeelete kushinisha ayi ntalikilo yanu yacafwa batookutika kushiba nsheshi mubandike amulandu ngweshi mushibandikile.
Amutondeshe kuyandika kwa makani ngweshi mubandike. Amusale nsheshi mwaambe kweelana ashiyandika sha batookutika. Mulyeelete kubacafwa kunyumfwisha makani mbweenga abacafwa.

Ndyemutolibambila likani inga mwaliipusha ayi, ‘Ino mbukaalo nshi bamakwesu abenankashi mulibungano lyesu mbobatokwiindaamo?’ Lyalo amulibambile ntalikilo yanu kweelana anshebatoyandika.