Amwaambe Munshila Yeenga Taikalashi Bamwi

Paulo Nshaakacita

VIDYO: Paulo Mbwaakashimikila Bene Atenisi

1. Amweebele VIDYO, na kubelenga Milimo 17:​22, 23. Lyalo akuyeeya pa miipusho itokonkelaawo:

1. Ino Paulo wakalinyumfwa buyani pashintu shakalinga kucita baabo bakalinga kupaila balesa bakubeca ku Atenisi?—Amubone Milimo 17:16.

2. Muciindi cakwaamba shibiibi pakupaila kwa bantu baku Atenisi, ino Paulo wakabashimikila buyani makani abotu?

Ino Nciinshi Nceenga Tweeya Kucakubonenaako Cakwe Paulo?

2. Bantu inga basuna kukutika ndyetutoshimikila na katusala kabotu shakwaamba, bwakwaamba, alimwi a ndyetweelete kwaamba.

Amukonkele Cakubonenaako Cakwe Paulo

3. Amusale kabotu maswi akwaamba. Kucakubonenaako, mpashi ndyemutobandika amuntu uteshi Mwineklistu, inga mwayandika kwaalula bwakutalika mubandi wamu Baibo na bwakwaamba pali Yesu.

4. Mutafwambaani kululika muntu ngomutoshimikila. Amumuleeke aambe nshaashoma. Na waamba cimwi citeendelani anjiisho shamu Baibo, mutamupikishi. (Jemu. 1:19) Kukutika ndyaatokwaamba kulaakumucafwa kushiba nshaashoma acimupa kushishoma.—Tus. 20:5.

5. Na kacikonsheka amusuminishe nshaamba akumulumba. Mpashi ceebo cakutashiba cancine inga kaabona ayi nshaashoma shilibo kabotu. Citaanshi amweeleshe kubandika pamakani alakwe ngaasumina, lyalo mukuya kwaciindi amumucaafwe kunyumfwishisha Baibo nshoiisha.