Amuyume

Yesu Nshaakacita

VIDYO: Yesu Mbwaakashimikila Sakeyo

1. Amweebele VIDYO, na kubelenga Luka 19:​1-7. Lyalo akuyeeya pa miipusho itokonkelaawo:

1. Ino nceebonshi bantu bamwi tabakalinga kumusuniiwo Sakeyo?

2. Ino nciinshi cakalengesha ayi Yesu amushimikile makani abotu?

Ino Nciinshi Nceenga Tweeya Kucakubonenaako Cakwe Yesu?

2. Tulayandika kuyuma kwaamba ayi tucikoonshe kushimikila makani a Bwaami kumuntu uli woonse.

Amukonkele Cakubonenaako Cakwe Yesu

3. Amucinke manungo muli Yehova. Mushimu wakwe Lesa ngowakapa Yesu nkusu shakushimikila, aswebo inga watucafwa. (Mate. 10:​19, 20; Luka 4:18) Amupaile kwaamba ayi Yehova amucaafwe kuyuma kushimikila baabo mbomuloonda.—Milimo 4:29.

4. Amuleye kuyeeya ayi bantu bamwi inga tabasuminiiwo kwiiya. Cimwi ciindi inga twaloonda kushimikila bantu ceebo ca mbobatoboneka, mukuli ngobacite, nkobakala, buumi mbobakala, na shintu nshobashoma. Ano mutaluubi kwaamba ayi:

1. Yehova a Yesu balabona shili mumoyo wa muntu isho swebo nshetutaboni.

2. Yehova inga wacafwa muntu uli woonse kwaaluka.

5. Nabi kwaamba ayi tulyeelete kuyuma, tulyeelete kutondesha bulemu akucenjela. (Mate. 10:16) Amuleye kupikishanya. Na muntu taasuniiwo kukutika makani abotu nabi na utooboneka anga inga wamucita cimwi cibiibi, mubulemu amumushiiye.—Tus. 17:14.