Mbweenga Mwatanjilila Ciiyo ca Baibo Kusebensesha Libuku lya Amusangalale Abuumi Kwamuyayaya!

Kamutana kutalika ciiyo

1. 

   1. Amutaangune kulibambila kabotu. Ndyemutolibambila, amuyeeye bukaalo, shitoyandika shikwiiya, alimwi a nshaashoma. Amuyeeye shiteente sheenga shamubeta shiyumu kunyumfwisha na kukonkela. Amuyeeye mbweenga lubasu lwa “Amulangweetewo Ashimwi” lwamucafwa, alimwi amulibambile mbweenga mwalusebensesha na kaciyandika paciiyo.

Ndyemuli paciiyo

1. 2. Amutalike akumanisha amupailo na cilibo kabotu kuli shikwiiya.

2. 

   3. Mutaambi bunene. Amubikile bunene maano kumakani ali muciiyo alimwi amuleke shikwiiya kwaamba mbwaatoolinyumfwa.

3. 4. Ndyemutotalika lubasu lupya, amubelenge lubasu lutotondesha shiteente shinene shili mulubasu ulo alimwi amitwi imwi ya shiiyo.

4. 5. Na lubasu lwamana, amusebenseshe lubasu lwa kwiindulukaamo kwaamba ayi mucafwe shikwiiya kwiibaluka nshaakeeya.

5. 6. Ndyemutotanjilila ciiyo comwi acomwi:

   1. Amubelenge mapalagilafu.

   2. Amubelenge malembo oonse alembetwe ayi “Amubelenge.”

   3. Malembo amwi aalo inga mwaabelenga na kaciyandika.

   4. 

      Amutondeshe mavidyo oonse alembetwe ayi “Amweebele” (na mulicite).

   5. Amwiipushe shikwiiya miipusho yoonse.

   6. Amwiipushe shikwiiya kwaamba ayi aambe pashikope mulubasu lwa “Amwiiyilewo Ashimwi.”

   7. Amucafwe shikwiiya Baibo wanu kubona mbwaatooya panembo lwakumushimu, kwiinda mukusebensesha shili palubasu lulembetwe ayi “Nsheenga Mwaciita.” Inga mwamuyuminisha kukonkela shilembetweewo alimwi akulibikila nshaasuni kukumanisha.

   8. Amumwiipushe shikwiiya na kuli vidyo nabi makani ali palubasu lwa “Amulangweetewo Ashimwi” akamucafwa ndyaakalinga kulibambila ciiyo.

   9. Amweeleshe kumanisha ciiyo comwi lyoonse ndyemutokwiiya.

Pesule lya ciiyo

1. 

   7. Amutolelele kuyeeya pali shikwiiya. Amupaile kwaamba ayi Yehova acafwe shikwiiya wanu kuya panembo alimwi akumupa busongo bwa kushiba mbweenga mwamucafwa.