Sheenga Shatucafwa Kushimikila Kabotu—Kwiisha Shikwiiya Mbweenga Walibambila

MULANDU NCOCIYANDIKILA: Shikwiiya alanyumfwisha kabotu akwiibaluka nshetutomwiisha na walibambila. Kunyumfwisha akwiibaluka nshatokwiiya inga kwamucafwa kufwambaana kuya panembo. Alimwi nabi wabombekwa, alyeelete kulibambila mabungano alimwi akushimikila kwaamba ayi anooba ‘kalibambitebo lyoonse.’ (Mate. 25:13) Aboobo, kushiba mbweenga weeya alimwi akuba acilabo cibotu cakwiiya inga kwamucafwa mubuumi bwakwe boonse. Kuswabo bushiku bwakutaanguna ndyetwatalika ciiyo, tulyeelete kucafwa shikwiiya kuba acilabo cakulibambila ciiyo ca Baibo.

MBWEENGA MWACIITA:

• 

  Amube cakubonenaako cibotu. (Loma. 2:21) Amuyeeye shikwiiya wanu lyoonse ndyemutolibambila. (km 11/15 3) Alyeelete kubona kwaamba ayi amwebo mwakalibambila kuswa mulibuku lyanu

• 

  Amumuyuminishe ayi anolibambila. Na ciiyo cakalikanabo, amumucafwe kushiba ayi kulibambila ndubasu lwa bubambo bwakwiiya Baibo, amumusansulwite bubotu bwakucita boobo. Amumucaafwe kushiba mbweenga wacita kwaamba ayi anocana ciindi cakulibambila. Beshikushimikila bamwi balapa shikwiiya wabo libuku lyabo libambitwe kabotu ciindi ndyebatokwiiya kwaamba ayi bamucaafwe kushiba bubotu bwakulibambila. Amumuluumbe na walibambila

• Amumutondeshe mbweenga walibambila. Beshikushimikila bamwi balabwesa ciindi kutondesha shikwiiya mbweenga walibambila ndyebatalikabo ciiyo