Nshotweelete Kucita Kwaamba ayi Tube Bashikwiiya Bakwe Yesu

9:62

Kwaamba ayi mulimi acikoonshe kweelanya mifolo kabotu ndyaatolima, taeelete kulanga mwisule. Aboobo, bweenka mbuli mulimi, Mwineklistu alakwe taeelete kulanga kushintu nshaakashiya kwisule mucishi.—Fili 3:13.

Na shintu shayuma mubuumi, ncuubu kutalika kuyeeya ayi inshiku shakalekale, mpashi katutana kwiiya cancine, shakalinga shibotu. Liinji ndyetutooyeeya shakale kale, tulayeeyabo shibotu nshotwakeendaamo akuluba mapensho. Bene Isilaeli abalo nshebakacita pesule lyakuswa mu Ijipiti. (Shaku. 11:5, 6) Kuyeeya boobo inga kwapa kwaamba ayi tuyeeye shakuboolela kubuumi bwesu bwakale kale. Inga caba kabotu abuumbi kuyeeya pashoolwe nshetucite pacecino ciindi, akubikila maano kulusangalalo lwa kunembo mu Bwaami bwakwe Lesa!—2 Koli. 4:16-18.