Amucanike Abantu Basuni Yehova

Ino nceebonshi tulyeelete kucanika abantu basuni Yehova? Mukwiinga bantu mbotucanikaabo inga batuyuminisha kucita shintu shili kabotu na shitabete kabotu. (Tus. 13:20) Kucakubonenaako, Mwaami Joashi “wakacita shiluleme pameenso akwe Yehova” ndyaakalinga kucanika pomwi a Mupailishi Munene Jeoiyada. (2 Maka. 24:2) Jeoiyada ndyaakafwa, Joashi wakacileka kunyumfwila Yehova ceebo cakucanika abantu batabete kabotu.—2 Maka. 24:17-19.

Muciindi ca batumwi, mutumwi Paulo wakakoshanisha libungano lya Bwineklistu ku ‘ŋanda inene’ alimwi abo bakalinga mulibungano wakabakoshanisha ku “mbale,” na shisebensesho sha muŋanda. Inga twatolelela kuba “shisebensesho shisebenseshekwa muncito ipekwa bulemu” na katuleya kucanika amuntu uli woonse ucita shintu shitasangalashi Yehova, inga waba ayi ngwamumukwashi na mulibungano. (2 Timo. 2:20, 21) Aboobo, atutolelele kuba abushicibusa abantu basuni Yehova alimwi batuyuminisha kumusebensela.

AMWEEBELE VIDYO ICITE MUTWI UTOKWAAMBA AYI AMUKAKE KUCANIKA ABANTU BATABETE KABOTU, LYALO MUBANDIKE MIIPUSHO ITOKONKELAAWO:

• Ino nciinshi ceenga capa kwaamba ayi tutalike kucanika abantu batabete kabotu?

• Muvidyo yacitondesho, ino nciinshi cakacafwa bamakwesu botatwe kucileka kucanika abantu batabete kabotu?

• Ino ni njiisho nshi shamu Baibo sheenga shamucafwa kusala beshicibusa bali kabotu?