Kululikwa​—Ncitondesho Cakwaamba ayi Yehova Alitusuni

Kululikwa cilaamba kulwiitikwa shakucita alimwi akucafwikwa kushiba cintu cimwi, nacibi boobo, kuleelikawo akwaanisha muntu na wacita cilubo. Yehova alatululika kwaamba ayi tumulambile munshila njaasuni. (Lo 12:1; Ebu 12:10, 11) Cimwi ciindi tatulinyumfwi kabotu na twalulikwa, nacibi boobo, kulatupa shoolwe alimwi akutucafwa kuba baluleme. (Tu 10:7) Ino nshiinshi nshobeelete kwiibaluka abo batoolulika abaabo batoolulikwa?

Batoolulika. Bamanene, bashali alimwi abamwi baleelesha cankusu kutondesha nkumbu alimwi alusuno ndyebatolulika bamwi bweenka mbuli Yehova. (Jel 46:28) Nabi kwaamba ayi muntu alyeelete kululikwa cankusu kweelana acilubo ncaacita, kululika uko kulyeelete kucitwa mulusuno.​—Tai 1:13.

Batoolulikwa. Tatweelete kukaka kululikwa, sombi tulyeelete kweelesha kukonkela nshetwalwiitikwa cakufwambaana, tacicite mulandu ambotwalulikwa. (Tu 3:11, 12) Mbuli bantu batamaninite soonse tulayandika kululikwa alimwi tulalulikwa munshila shipusenepusene. Inga twalulikwa kwiinda mumakani ngotubelenga mu Baibo na nshetunyumfwa kumabungano. Cimwi ciindi bamwi inga bayandika kululikwa kwiinda mukomiti yaboomboloshi. Na katusumina akukonkela kululikwa, tulaakuba abuumi bubotu alimwi tulaakukala kwamuyayaya.​—Tu 10:17.

AMWEEBELE VIDYO ICITE MUTWI UTOKWAAMBA AYI “YEHOVA ALALULIKA BAABO MBWAASUNI,” LYALO AKUBANDIKA MIIPUSHO ITOKONKELAAWO:

• 

  Ino buumi bwaba Canon bwakalinga buyani pakutaanguna, alimwi ino bwakaaluka buyani?

• 

  Ino Yehova wakabalulika buyani munshila yalusuno?

• 

  Ino nshiinshi nsheenga tweeya kuswa kushakacitika mubuumi bwaba Canon?