Munoobona Banakashi Bacinene Mbuli Banyinawanu, Lyalo Banakashi Bacanike Mbuli Benankashi Shanu

Malembo alatulwiita ayi tulyeelete kunobona Beneklistu bacinene anga mbanyinawesu na baishiwesu lyalo bacanike anga mbenankashi na benandumi shesu. (Amubelenge 1 Timoti 5:1, 2.) Bamakwesu balyeelete kunoolemeka benankashi.

Mukwesu taeelete kutondesha lusuno lwamucikwati na kucita cilicoonse kuli nankashi ngwaatasuni kweeba, ico ceenga capa kwaamba ayi nankashi uyo atalinyumfwi kwaanguluka kuba pafwiifwi anguwe. (Jobo 31:1) Mukwesu taeelete kucita cilicoonse ceenga capa kwaamba ayi nankashi ayeeye ayi alisuni kumweeba, kakuli mukwesu uyo taacitewo amuyeeyo wakumweeba.

Bamanene mulibungano balyeelete kubikilaako maano kuli nankashi na weepusha mwiipusho nabi kwaamba pamakani amwi bamanene ngobeelete kusebenselawo. Bamanene balyeelete kubikila bunene maano kubenankashi abo batacite musankwa wakubashitilisha.​—Lute 2:8, 9.

AMWEEBELE VIDYO ICITE MUTWI UTOKWAAMBA AYI AMUTONDESHE LUSUNO LUTAMAANI MULIBUNGANO—KUBAMUKALUBINJE ABAANA BATACITE BESHIWABO, LYALO AKUBANDIKA MIIPUSHO ITOKONKELAAWO:

• 

  Ino bamakwesu abenankashi bakamutondesha buyani lusuno nankashi Myint?

• 

  Ino lusuno lwakatondesha bamulibungano lwakapa buyani bumboni kubantu bamumushi?

• 

  Ino lusuno lwakatondesha bamakwesu abenankashi lwakabacafwa buyani baana banakashi bakwe nankashi Myint?

Ino nshiinshi shimwi nsheenga mwaciita kwaamba ayi mutondeshe lusuno kubenankashi mulibungano?