Ino Nshiinshi Benankashi Nsheenga Bacita Kwaamba ayi Bacite Shiinji?

Benankashi balacafwa abuumbi muncito sha Bwaami. (Kulu 68:11) Balatanjilila shiiyo sha Baibo shiinji alimwi baanji balasebensa mbuli bapainiya baciindi coonse. Benankashi baanji basebensela pa Bethel, basebensa bumishonali, muncito shakuyaka, alimwi abusansulushi balasebensa cankusu. Benankashi bashimpite lwakumushimu balayuminisha mikwashi yabo alimwi amabungano. (Tu 14:1) Nabi kwaamba ayi benankashi inga tabasebensi mbuli bamanene na basebenshi bacafwilisha, inga balibikila shintu nsheenga basuna kukumanisha mulibungano. Aboobo na ndimwe nankashi, ino nshiinshi nsheenga mwaciita kwaamba ayi mucite shiinji?

• Kuba amiibo ya Bwineklistu.—1 Ti 3:11; 1 Pit 3:3-6

• Kucafwa benankashi bamwi mulibungano kuya panembo lwakumushimu.—Tai 2:3-5

• Kucishiba kabotu bwakwiisha akuba aciindi ciinji cakushimikila

• Kwiiya mushobo umwi

• Kuya mukusebensela kumusena ubulishite

• Kulemba foomu yakusebensela pa Bethel na kucafwilisha muncito yakuyaka misena yakubunganinaamo

• Kulemba foomu yakuya Kucikolo ca Bashimikila sha Bwaami

AMWEEBELE VIDYO ICITE MUTWI UTOKWAAMBA AYI “BANAKASHI BASEBENSA CANKUSU MUNCITO YA MWAAMI,” LYALO AKUKUMBULA MWIIPUSHO UTOKONKELAAWO:

• Ino shaamba nankashi womwi awomwi shamuyuminisha buyani?