Mbweenga Mwasebensesha Mavidyo Aamba sha Ciiyo ca Baibo

Tulicite mavidyo ali 4 aamba sha ciiyo ca Baibo ngeenga twasebensesha muncito yakushimikila. Ino vidyo yomwi ayomwi yakabambilwa nshi?

• 

  Ino Nceebonshi Ncociyandikila Kwiiya Baibo?—Vidyo Yoonse. Vidyo iyi yakabambilwa kucafwa bantu kusuna kwiiya Baibo nabi kuli kale shimwi nshobashoma. Ilayuminisha bantu kulangoola shikumbulo mu Baibo kumiipusho ipensha bantu baanji. Alimwi ilaamba shikumbulo shimwi shicanika mu Baibo. Ilaamba ansheenga muntu wacita na alisuni kwiiya Baibo.

• 

  Ino Nceebonshi Ncociyandikila Kwiiya Baibo? (ifwiifwi). Vidyo iyi ndubasu lwakafwiimpishikwa lwa vidyo yoonse. Inga yeelela kusebenseshekwa kumisena bantu baanji nkobatacitewo ciindi cakubandika.

• 

  Ino Ciiyo ca Baibo Cilacitwa Buyani? Vidyo iyi yakabambilwa kucafwa bantu kusuna kushiba shiinji pa bubaambo bwesu bwa kwiisha Baibo cakutalipila. Alimwi ilaamba ashikumbulo kumiipusho bantu njeenga basuna kwiipusha pa bubaambo bwa ciiyo ca Baibo, kwiilikaawo ansheenga muntu wacita na alisuni kwiiya Baibo.

• 

  Twamutambula Kuciiyo Canu ca Baibo. Vidyo iyi yakabambilwa kutondesha shiiyo sha Baibo. Nabi kwaamba ayi vidyo iyi ilaambwa pa peeji 2 mulibuku lya Amusangalale Abuumi Kwamuyayaya! inga yatondeshekwa ndyemutobandika amuntu mu buloshuwa ya Amusangalale Abuumi Kwamuyayaya! Vidyo iyi ilaamba shitocanika mulibuku alimwi ansheenga shikwiiya walangila ndyeshibakanobandika paciiyo.

Nabi kwaamba ayi vidyo yomwi ayomwi ilicite luyaando ndobakaibambila, inga twatondesha na kutumina muntu ili yoonse paaya na kaceelela kucita boobo. Beshikushimikila batoyuminishikwa kwaashiba kabotu mavidyo aya alimwi akwasebensesha muncito yakushimikila.