Ino Nshiinshi Nshemusuni Kucita Mumwaaka Wancito Upya?

Shintu nshetusuni kucita lwakumushimu shileelikawo cintu cili coonse ncetweelesha cankusu kukumanisha kwaamba ayi tucite shiinji muncito yakwe Yehova akumusangalasha. Kucita boobo kulatucafwa kuya panembo lwakumushimu alimwi kulayandika kwaaba ciindi cesu ankusu. (1Ti 4:15) Ino nceebonshi ciindi aciindi tulyeelete kwaalulako shintu nshetusuni kukumanisha lwakumushimu? Nceebo cakwaamba ayi shintu shilaaluka mubuumi. Inga caba ayi nshetwakasala kukumanisha pakutaanguna inga tashikonsheki na mpashi twakashikumanisha, aboobo inga twayandika kusala shimwi.

Mwaaka wancito upya kautana kutalika nceciindi cili kabotu cakwaalulako nshemusuni kukumanisha lwakumushimu. Inga caba kabotu kubandika pamakani aya pa kulambila kwa mukwashi lyalo akusala shimwi nsheenga mwasuna kukumanisha palwaanu nabi mbuli mukwashi.

Ino nshili nshemusuni kukumanisha kucita pasheeshi shitokonkelaawo, alimwi nshiinshi nshemutoyeeya kucita kwaamba ayi mukashikumanishe?