Mbweenga Twaliyumya na Twacitilwa Shintu Shitaluleme

Amubelenge Matalikilo 37:​23-28; 39:​17-23 kwaamba ayi mwiiye Josefu mbwaakaliyumya ndyaakacitilwa shintu shitaluleme.

Amubelenge makani oonse. Ino nceebonshi bamwi bakacita shintu shitaluleme kuli Josefu? (Mata. 37:​3-11; 39:​1, 6-10) Ino Josefu wakaliyumya kwaciindi cilaamfu buyani? (Mata. 37:2; 41:46) Paciindi ici, ino nshiinshi Yehova nshaakacitila Josefu, sombi ino nshiinshi nshaatakwe kucita?—Mata. 39:​2, 21; w23.01 pe. 17 pala. 13.

Amwiiyilewo ashimwi. Nabi kwaamba ayi muka Potifa nshaakaamba pali Josefu shakalinga shakubeca, Baibo taitulwiitiwo ayi Josefu wakamushinina ayi nshaakaamba nshakubeca. Ino malembo atokonkelaawo inga atucafwa buyani kuyeeya cakapa kwaamba ayi Josefu asaleewo kuumunabo na ncotuyandikila kulindila kwaamba ayi tukashibe makani oonse? (Tus. 20:2; Joni 21:25; Milimo 21:37) Ino njimibo nshi mpashi yakacafwa Josefu kuliyumya ndyaakacitilwa shintu shitaluleme?—Mika 7:7; Luka 14:11; Jemu. 1:​2, 3.

Ino nshiinshi nshomweeya? Amuliipushe ayi:

• ‘Ino nshintu nshi shitaluleme nsheenga ndalangila kucitilwa ceebo cakuba shikwiiya wakwe Yesu?’ (Luka 21:​12, 16, 17; Ebu. 10:​33, 34)

• ‘Ino nshiinshi nsheenga ndaciita kwaamba ayi nkacikoonshe kuliyumya na nkacitilwe shintu shitaluleme?’ (Kulu. 62:​7, 8; 105:​17-19; w19.07 mape. 2-7)