Sa Amagedoni Ilaakutalikila ku Israel?​—Ino Nshiinshi Baibo Nshoyaamba?

Baibo ilaamba ayi Amagedoni teshi nkondo yeshi ikakumebo musena uniini pacishi, sombi ni nkondo yeshi ikanooli pakati ka mfulumende shabantu shoonse a Lesa.

• ‘Aya ngomaswi atanjililwa ashibanda . . . Shakaya ku bamaami boonse ba mucishi ca panshi mukubayobolola ku nkondo ya bushiku bunene bwakwe Lesa Shinkusu Shoonse. . . . Mpeeke shakabunganya bamaami kumusena wiitwa ayi Amagedoni mu ciEbulu.’​—Ciyubululo 16:14, 16.

Liswi lyakwaamba ayi “Amagedoni” lyakaswa kuliswi lyamu ciEbulu lyaamba ayi Har Meghid·dohnʹ, kusansulula “Kalundu ka Megido.” Megido yakalinga ndabala yamu Isilaeli yakale kale. Ici ncecipa kwaamba ayi bantu bamwi banoshoma ayi Amagedoni ilaakuba ku Israel. Nacibi boobo, musena wa Megido na musena umwi uli woonse ku Middle East teshi unene cakwaamba ayi “bamaami boonse ba mucishi ca panshi” abalwani baabo inga bakwana na babungana pomwi.

Libuku lya Ciyubululo lyakalembwa ‘mushitondesho,’ na mumushobo wacikoshanyo. (Ciyubululo 1:1) Amagedoni taisansululi musena wiine, sombi nkubungana pomwi kwashishi nsengwe yoonse pabushiku bwakweelaako, kwaamba ayi shilwane mfulumende yakwe Lesa.​—Ciyubululo 19:11-16, 19-21.