CIIYO 14

Kwiisha Kabotu Shiteente Shinene

Bene Ebulu 8:1

CITEENTE CINENE: Amucafwe batookutika kukonkelaamo kabotu ndyemutokwaamba likani, alimwi amubacaafwe kubona citeente comwi comwi mbocicatene amutwi walikani amulandu ngomutobandikila likani lyanu.

NSHOMWEELETE KUCITA:

Amushibe ncomutokwaambila likani. Na likani lyanu litokwaamba pakucafwa bantu kushiba makani amwi, kushoma makani amwi, na mpashi litobayuminisha kucitawo comwi, amwaambe kweelana amakani eenka ayo. Shiteente shinene shili mulikani lyanu shilyeelete kucafwa batookutika kunyumfwisha ncomutokwaambila likani.

Amuliipushe ayi: ‘Ino njimiipusho nshi batookutika njeenga babaayo na ino nshiinshi nsheenga bakaka kusumina mulikani ili? Ino njimiipusho ili njeenga bataanguna kwiipusha na nsheenga bataanguna kukaka?’ Lyalo amulibambile kubandika likani lyanu kweelana asheenga shapa batookutika kukonkelaamo, kunyumfwishisha, akusumina makani ali mulikani lyanu.
Amuyuminishe mutwi walikani lyanu. Ndyemutokwaamba likani, amubooshewo maswi amwi ali pamutwi walikani, na kusebensesha maswi amwi atokweendelana ashitokwaamba mutwi walikani.
Amusansulule kabotu shiteente shinene. Amusalebo shiteente shitokweendelana amutwi walikani alimwi nsheenga mwasansulula kabotu muciindi ncemwapekwa. Mutaambi shiteente shiinji, amusansulule kabotu citeente comwi comwi, amuyoye kamutana kutalika kusansulula citeente cimwi citokonkelaawo, alimwi shiteente shinene shoonse shilyeelete kucatana kabotu.

Kwaamba ayi batookutika bamukonkele kabotu, inga mwashaamba shiteente shinene ndyemutotalika likani, na kushaamba kumamanino alikani kwaamba ayi bantu bashiibaluke.