Ino nshiinshi nshomwacitaako kwaamba ayi mweelele kubombekwa?
BUUMI BWA BWINEKLISTU
Amusaleewo Kusebensela Yehova
Sa muli Shikushimikila wacanike utana kubombekwa na shikwiiya Baibo usuni kubombekwa? Ino nceebonshi mulyeelete kusalawo kubombekwa? Kulyaaba akubombekwa kulaakumucafwa kuba abushicibusa bulibetele a Yehova. (Kulu. 91:1) Alimwi inga kwamucafwa kupuluka. (1 Pita 3:21) Ino inga mwacita buyani kwaamba ayi mweelele kubombekwa?
Mulyeelete kushinisha kwaamba ayi nshemutokwiiya nshancine. Amulangoole makani kwaamba ayi mucane shikumbulo kumiipusho njeenga mwabaayo. (Loma. 12:2) Amubone nshemweelete kwaalula mubuumi alimwi amucite boobo ceebo cakwaamba ayi mulisuni kusangalasha Yehova. (Tus. 27:11; Efe. 4:23, 24) Lyoonse munoopaila kuli nguwe kwaamba ayi amucaafwe. Alimwi munooshoma ayi alaakumucafwa kwiinda mukumupa mushimu wakwe usalashi. (1 Pita 5:10, 11) Mulaakucana shoolwe na mwasebensa cankusu. Kusebensela Yehova ncecintu cibotu abuumbi mubuumi!—Kulu. 16:11.
AMWEEBELE VIDYO ICITE MUTWI UTOKWAAMBA AYI NSHOMWEELETE KUCITA KWAAMBA AYI MWEELELE KUBOMBEKWA, LYALO AKUBANDIKA MIIPUSHO ITOKONKELAAWO:
Ino ngamapensho nshi bamwi ngobakakoma kwaamba ayi babombekwe?
Ino inga mwacita buyani kwaamba ayi mube alushomo lweenga lwamucafwa kulyaaba kuli Yehova?
Ino nshiinshi shakacafwa bamwi kwaamba ayi beelele kubombekwa?
Ino nshoolwe nshi Yehova nshaapa baabo basalawo kumusebensela?
Ino kulyaaba akubombekwa kulasansulula nshi?