Nsheenga mwaciita kwaamba ayi munyumfwishishe kabotu shiiyo shamu Baibo ishi
Mulyeelete kuba ashikumwiisha: Amulembe foomu yakusenga wakumwiisha pa webusaiti yesu ya jw.org/leh, na kulwiita bakamupa ka buloshuwa aka kwaamba ayi inga mwasuna kwiiya Baibo.
LUBASU LWAKUTAANGUNA
Amubelenge palagilafu yomwi ayomwi, kwiilikaawo amiipusho ili mumabala ashiya abuumbi (A) alimwi amalembo (B) atoyuminisha shiteente shinene. Na mwaboona, malembo amwi alilembetwe ayi “amubelenge.”
LUBASU LWABILI
Maswi akutaanguna (C) palubasu lulembetwe ayi Amwiiyilewo Ashimwi atosansulula shitokonkelaawo. Tumitwi tuniini (D) tutotondesha makani atobandikwawo. Amubelenge malembo, kukumbula miipusho, alimwi akweebela mavidyo (E).
Amulangilishe cakubikila maano shikope shatondeshekwa alimwi amaswi alembetwe mweela (F), alimwi amuyeeye mbweenga mwakumbula mwiipusho uli palubasu lwa Bantu Bamwi Balaamba Ayi (G).
LUBASU LWAKWEELAAKO
Citeente Cinene alimwi a Kwiindulukaamo (H) ndubasu pamanina ciiyo. Amulembe bushiku ndyemwakamanisha ciiyo. Nsheenga Mwaciita (I) ndubasu lumucafwa kushiba nsheenga mwaciita kwaamba ayi mukonkele nshomweeya. Amulangweetewo Ashimwi (J) ndubasu lucite makani aamwi ngeenga mwasuna kubelenga na vidyo njeenga mwasuna kweebela.
Mbweenga mwacana mavesi mu Baibo
Malembo atondeshekwa kusebensesha liina lya libuku lyamu Baibo (A), capita (B), alimwi avesi na mavesi (C). Kucakubonenaako, na mwacana palembetwe ayi Joni 17:3 cilaamba ayi libuku lyakwe Joni, capita 17, vesi 3.