Amutondeshe Nkumbu

Yesu Nshaakacita

VIDYO: Yesu Mbwaakashilika Musankwa Moofu

1. 1Amweebele VIDYO, na kubelenga Joni 9:​1-7. Lyalo akuyeeya pa miipusho itokonkelaawo:

1. Ino nciinshi Yesu ncaakataanguna kucita—sa nkushilika musankwa moofu na kumushimikila makani abotu?—Amubone Joni 9:​35-38.

2. Ino nceebonshi musankwa ulya wakasumina kukutika makani abotu?

Ino Nciinshi Nceenga Tweeya Kucakubonenaako Cakwe Yesu?

2. Muntu inga wasumina kukutika makani ngotutooshimikila na wabona ayi tutomubikilako maano.

Amukonkele Cakubonenaako Cakwe Yesu

3. Amweeleshe kunyumfwishisha bukaalo muntu mbwaabeteemo. Amweeleshe kuyeeya mbwaatolinyumfwa.

1. Amuliipushe ayi: ‘Ino nciinshi citoomusukamika? Ino nciinshi nceenga wasuna kunyumfwa ceenga camucafwa bunene?’ Kucita boobo kulaakumucafwa kutondesha nkumbu.

2. Amutondeshe ayi mutobikila maano kumakani ngaatomulwiita kwiinda mukukutika. Na wamulwiita mbwaatoolinyumfwa na lipenshi ndyaatokwiindaamo, amubandike pasheesho sheenka.

4. Amwaambe munshila itondesha bulemu ankuumbu. Ŋambilo yanu inga yatondesha na mulicite nkumbu alimwi mulisuni kucafwa. Amubikile maano nshomwaamba alimwi ambweenga mwaamba, mutaambi maswi eenga akalasha muntu.

5. Amumucaafwe. Amubone nsheenga mwaciita kwaamba ayi mumucaafwe. Kutondesha nkumbu inga kwalengesha ayi muntu asumine kubandika.