Sheenga Shamucafwa Kulangoola Makani

Nsheenga Mwasebensesha Kwiisha Bana Banu

Bashali balicite mukuli unene wakwiisha bana babo pali Yehova. (Efe. 6:4) Libunga lyakwe Yehova lyakabamba makani aanji eenga acafwa bashali kwiisha bana babo. Ino inga mwaasebensesha buyani kwaamba ayi mwiishe bana banu?

• Amulangoole makani. Pa JW.ORG pali makani akabambilwa bacanike, kwiilikaawo amavidyo ambasu mpeenga balemba.a Kwaamba ayi mucane makani aya, amuye palubasu lwakulangoola makani akulemba ayi “Bana” na ayi “Bakubusi.”

• Amusale nsheenga mwaiisha mwanaanu. Palubasu lulembetwe ayi “Bana” inga mwacana mavidyo, inyimbo alimwi amakani amwi ngeenga mwaboona ayi inga acafwa mwanaanu.

• Amubandike makani aya pomwi amwanaanu. Mutaleki mwanaanu kweebela mavidyo eenka akubelenga makani akapulintwa kwaamba ayi abebo ashakucita. Muciindi cakucita boobo, amubandike makani aya pomwi amwanaanu, akumucafwa kuba abushicibusa a Yehova.