Eky’Ekiro kya Mukama Waffe

1. ’Mukolo guno mutukuvu,

Ai Kitaffe Yakuwa.

Dda nnyo ku lunaku luno wayoleka

Obwenkanya n’okwagala.

Omwana gw’endiga gwattibwa;

Abantu bo baanunulwa.

Mukama waffe yatuukiriza kino

Bwe yawaayo obulamu bwe.

2. Omugaati n’envinnyo bino,

Biriwo ’kutujjukiza

Omuwendo ’mungi

ggwe gwe wasasula

Tusobol’o kununulwa.

Tukwata omukolo guno

Okujjukira okufa

Kw’Omwana wo

eyawaayo ’bulamu bwe

Okutununula mu kufa.

3. Tukuŋŋaanye ffe mu maaso go,

Katonda waffe, Yakuwa

Okulaga nti tusiima

okwagala

Okungi kwe watulaga.

Guno ’mukolo mukulu nnyo;

Tuyambe tube bavumu,

Tutambulire mu bigere bya Yesu;

Tujja kufuna obulamu.