Ha lehˬ ha kʼa tanˇ piˇ ve chaw htaꞈ Yaˬhoˉvaˬ haꞈ ve

2 Kawˇrenˍhtuˆ 9:7 hkʼaw kʼoˆ ve, “chaw teˇ gʼaˇ le le, a shu yawˇ ve nyi ma hkʼaw dawˇ taˍ ve hkʼe tanˇ piˇ˗oˆ. Dawˇ haˍ leh te ve maˇ kʼoˆ, gʼa te ve htaꞈ pa taw te ve maˇ kʼoˆ, taˇ hpehꞈ piˇ. Awˬ lawn kʼo, ha lehˬ ha kʼa tanˇ piˇ ve chaw htaꞈ Gʼuiˬ sha haꞈ ve yoˬ.” Chi teˇ hkui ngaˬ hui awn˗laiˉ hkʼaw hpu tanˇ tanˇ tuˬ ve awˬ hkʼaˇ cawˬ ve yoˬ. Chi lehˬ Yaˬhoˉvaˬ ve Shaˉhkiˆhkanˍ ve chaw awˬ pon ga piˇ tuˬ hkʼa sha sha˗ehˍ te gʼa tuˬ awˬ hkʼaˇ hpehꞈ ve yoˬ. Chi hkʼoˆ kaꞈ, awˬ hkʼaˇ chi ngaˬ hui ve Hkriꞈ yaˇ awˬ moˍ leh miˬ guiˬ hkʼoˆ lo Gʼuiˬ sha ve kanˉ awˬ pon tanˇ piˇ gʼa ve yoˬ.

Awˬ hkʼeun htaꞈ yehˇ leh hpu tanˇ tanˇ ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• 

  Ngaˬ hui ve mvuhˇ miˬ hkʼaw hpu tanˇ tanˇ piˇ gʼa ve awˬ hkʼaˇ hkʼaˬ hkʼe te ca gʼa tuˬ le?

• 

  Teˇ hpaˍ hpaˍ awˬ hkʼeun yehˇ leh hpu tanˇ tanˇ piˇ htaˇ awˬ bon hkʼaˬ hkʼe gʼa ve le?

• 

  Ngaˬ hui hpu hkʼaˬ hkʼe te tanˇ piˇ gʼa ve le?

• 

  Hpu tanˇ tanˇ ve awˬ hkʼaˇ awˬ suhˉ maˇ shiˍ ve kʼo hkʼaˬ hkʼe te gʼa ve le?