HKRIꞈ YAˇ VE A SHAꞈ TEꞈ HKʼAˇ
Awˬ pa awˬ e teˇ hpaˍ˗oˬ—Nawˬ ve yaˇ Gʼuiˬ sha geh laˬ ve cuˇ yiˍ cawˬ tuˬ ga piˇ sheˍ
Awˬ pa awˬ e lehˬ yaˇ htaꞈ Gʼuiˬ sha geh laˬ ve cuˇ yiˍ cawˬ tuˬ ga piˇ gʼa ve daꞈ jaˉ ve teˇ hkʼaˇ lehˬ hpawnˬ daꞈ htaˇ yawˇ awˬ bon gʼa tuˬ ga piˇ ve yoˬ. Hpawnˬ daꞈ kuiˬ hkʼaw yawˇ hui ve hkʼawꞈ laˇ hkawˇ hkʼaw gʼa mawˬ ve, gʼa kaˇ ve, leh yaw tawˆ la ve awˬ ceuˬ lehˬ yawˇ Yaˬhoˉvaˬ htaꞈ shiˍ daꞈ leh meuˆ daꞈ gʼa tuˬ ga piˇ gʼa ve yoˬ. (Bon 31:12, 13) Nawˬ awˬ pa awˬ e hpehꞈ ve kʼo, hpawnˬ daꞈ ve hkʼaw yaˇ awˬ bon hkʼa biˇ gʼa tuˬ nawˬ hkʼaˬ hkʼe ga piˇ gʼa tuˬ le?
Hpawnˬ daꞈ kuiˬ lo ca hpawnˬ daꞈ˗e ve.—Chiˇ 22:22
Maˇ hpawnˬ daꞈ sheˍ htaˇ, maˇ heˆ leh hpawnˬ daꞈ peuˬ hkʼawꞈ nawˉ awˬ viˉ awˬ nyi geh tawˇ yaw daꞈ ve.—Heˍ 10:25
Hpawnˬ daꞈ ve hkʼaw yehˇ ve liꞈ kʼoˆ, awˬ hkʼeun hkʼaw yehˇ ve liꞈ kʼoˆ, yehˬ kʼa hkʼaw ve chaw liꞈ kʼoˆ chi teˇ hpaˍ cawˬ ve tehꞈ chaˬ nyi sheˍ.
Yawˇ ve dawˇ hkʼaˇ yehˇ leh hkʼawꞈ gʼa tuˬ yaˇ htaꞈ ga piˇ sheˍ.—Maꞈ 21:15, 16
Hpawnˬ daꞈ kuiˬ lo gʼa henˇ ve awˬ lawn daꞈ ve hpawˇ yaw ve.
Hkriꞈ yaˇ awˬ moˍ hkʼaw awˬ vuiˬ teˇ hpaˍ gʼa te tuˬ yaˇ htaꞈ ga piˇ ve. Tawˇ pa haˉ te kʼo, hpawnˬ daꞈ kuiˬ htaꞈ daꞈ kehˬ tuˬ te ve, leh awˬ viˉ awˬ nyi chaw mawˇ geh tawˇ yaw daꞈ ve.
Yaˇ htaꞈ Yaˬhoˉvaˬ geh meuˇ daꞈ tuˬ ga piˇ ve lehˬ sha ve maˇ heˆ. Leh teˇ pawˆ pawˆ kʼo, nawˬ gʼaˇ nuˇ tuˬ kaꞈ te laˇ gʼa ve yoˬ. Yaꞈ hkʼaˇ, Yaˬhoˉvaˬ nawˬ htaꞈ ga laˇ tuˬ yoˬ tehꞈ tawnˇ taˍ sheˍ.—Isy 40:29.
Awˬ paˍ awˬ e Yaˬhoˉvaˬ geh laˬ ve awˬ gʼaˇ htaꞈ gʼaˇ va ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
Heuˬ ve teˇ ceuˬ leh Shehˆ leh E˗la htaꞈ heuˆ la kuiˬ hkʼaˬ hkʼe cawˬ ve le?
Aˬ hto toꞈ ma pa taw awˬ pa awˬ e lehˬ Yaˬhoˉvaˬ geh awˬ gʼaˇ lawˬ cawˇ ve le?
Shehˆ leh E˗la Yaˬhoˉvaˬ htaꞈ gʼaˇ hkʼaˬ hkʼe va ve le?