Kʼa muiˬ liꞈ 141
A shaꞈ lehˬ anˇ tuˬ hpehꞈ ve
1. Yaˇ ehˉ teˇ gʼaˇ le, mvuhˇ yeˬ teˇ jaˆ le,
Mvuhˇ nyi gʼeuˆ tawˆ teˇ pawˆ le, mawˇ yawˇ jeˬ yawˇ,
Gʼuiˬ sha geh laˬ ve laꞈ shawnˍ chi teˇ hpaˍ.
Chi anˇ tuˬ maˇ cawˬ kʼo, ngaˬ hui teꞈ chehˇ maˇ gʼa.
(Kʼawꞈ kʼa kuiˬ 1)
Hkʼaˬ hkʼe te cawˇ ve le? Chi a shaꞈ gʼa ve.
Gʼuiˬ sha htaꞈ haꞈ jaˇ ve leh a yeˇ yuˬ cawˇ ve yoˬ.
Ngaˬ hui daꞈ ve awˬ ceuˬ hkʼaˬ ma coˇ caˇ te htawˇ,
Chi laꞈ shawnˍ htaꞈ maˇ keunˍ, a shaꞈ anˇ tuˬ hpehꞈ ve.
2. Yawˇbaˆ awˬ miˇ ma chi hkʼe leˇ kʼoˆ ve,
‘Nawˬ Gʼuiˬ sha htaꞈ hkeu taˉ leh suh cawˇ ve yoˬ.’
Ngaˬ nyi ma maˇ nuˇ, Gʼuiˬ sha htaꞈ chiˇ mvuh.
Peꞈ laˇ ve a shaꞈ htaꞈ awˬ hpfuhˇ hkʼaˆ jaˇ shawˍ ve.
(Kʼawꞈ kʼa kuiˬ 2)
Hkʼaˬ hkʼe te cawˇ ve le? Chi a shaꞈ gʼa ve.
Ngaˬ hui ve awˬ chawˇ awˬ paˆ htaꞈ haꞈ leh dawˇ nyi cawˇ.
Ngaˬ hui daꞈ ve awˬ ceuˬ hkʼaˬ ma coˇ caˇ te htawˇ,
Chi laꞈ shawnˍ htaꞈ maˇ keunˍ, a shaꞈ anˇ tuˬ hpehꞈ ve.
(Yb 2:9; Chiˇ 34:12; Cuˇ 8:15; Maꞈ 22:37-40; Roˉ 6:23 kaꞈ nyi sheˍ.)