“Mawˇ jeˬ yuˬ leh Yaˬhoˉvaˬ htaꞈ tanˇ piˇ ve”

Ngaˬ hui ve mawˇ jeˬ Yaˬhoˉvaˬ htaꞈ hkʼaˬ hkʼe te tanˇ piˇ gʼa tuˬ le? (1 Raˍ 29:5, 9, 14) Yaˬhoˉvaˬ ve Shaˉhkiˆhkanˍ ve chaw nawˬ paˇ lo chehˇ ve leh teˇ kaˬ le le lo chehˇ ve yawˇ hui ve kanˉ htaꞈ ga piˇ tuˬ, awˬ hawˉ lo cawˬ ve awˬ lawn lehˬ ngaˬ hui ha lehˬ ha kʼa tanˇ piˇ gʼa ve awˬ hkʼaˇ hpehꞈ ve yoˬ.

Awn˗laiˉ hpawˇ hpu tanˇ leh ta kʼoˍ hkʼaw hpuˇ tanˇ ve hkʼaˬ hkʼe hpawˇ yehˇ ve le?

• 

  Miˬ guiˬ hkʼoˆ teˇ kaˬ le le te ve kanˉ htaꞈ yehˇ ve

  Awˬ tcuhˆ puiˍ yehˬ te ve leh tawˇ hkawˇ yuˬ tawˆ kuiˬ yehˬ te ve

  Gʼuiˬ sha ve kanˉ hkʼaˇ liꞈ henˇ yehˬ htaꞈ ga piˇ ve

  Gʼuiˬ sha ve kanˉ tiˉ awˬ yanˇ hkʼa biˇ te ve chaw htaꞈ nyi haꞈ shaˉ ve

  Tuꞈ hkanˍ ve gʼa hpuˇ ve chaw htaꞈ ga piˇ ve

  Liꞈ yanˍ tawˆ ve, VDO te ve, awˬ hkʼeun hkʼaw yehˇ tuˬ ve liꞈ te ve

• 

  Hkriꞈ yaˇ awˬ moˍ hkʼaw yehˇ ve

  Hkriꞈ yaˇ awˬ moˍ hkʼaw yehˇ ve aˬ miˍ hpfuhˇ, iˉ kaˆ hpfuhˇ, hpawnˬ daꞈ kuiˬ htaꞈ nyi haꞈ shaˉ tuˬ ve hpfuhˇ

  Hkriꞈ yaˇ awˬ moˍ hkʼaw kʼoˆ daꞈ taˍ ve awˬ tcuhˆ puiˍ lo feu piˇ ve hpu. Aˬ htoꞈ ma cawˬ ve le?

  • teˇ kaˬ le le lo hpawnˬ daꞈ kuiˬ yehˬ leh hpawnˬ daꞈ kuiˬ yehˬ lonˉ te ve

  • miˬ guiˬ hkʼoˆ teˇ kaˬ le le ga piˇ ve

  • Gʼuiˬ sha ve kanˉ hkʼaˇ awˬ nu ve kanˉ htaꞈ te tuˬ ga piˇ ve

Hpawnˬ daꞈ lonˉ shehˆ nyi leh hpawnˬ daꞈ lonˉ teˇ nyi

Hpawnˬ daꞈ lonˉ shehˆ nyi hkʼaw gʼa ve hpu lehˬ, miˬ guiˬ hkʼoˆ teˇ kaˬ le le te ve kanˉ htaꞈ yehˇ tuˬ ve hpu hkʼaw pawnˇ daꞈ ve yoˬ. Hpu chi lehˬ, awˬ nu ve hpawnˬ daꞈ lonˉ shehˆ nyi leh laiˉ chaw ceuˬ lo laˬ leh hpawnˬ daꞈ lonˉ shehˆ nyi hkʼaw yehˇ ve yoˬ.

Hpawnˬ daꞈ lonˉ teˇ nyi hkʼaw gʼa ve hpu lehˬ, hpawnˬ daꞈ kuiˬ ngaˍ leh hpawnˬ daꞈ kuiˬ yehˬ lonˉ htaꞈ nyi haꞈ shaˉ tuˬ yehˇ ve yoˬ. Hpu chi lehˬ, hpawnˬ daꞈ lonˉ teˇ nyi hkʼaw teˇ pawˆ kʼawꞈ yuˬ yehˇ tuˬ yoˬ. Ngaˬ hui ve hpu leuˉ taˍ ve kʼo, nyi haꞈ shaˉ paˍ teˇ hpaˍ kʼoˆ daꞈ taˍ leh miˬ guiˬ hkʼoˆ teˇ kaˬ le le te ve kanˉ htaꞈ feu piˇ tuˬ yoˬ.