Yaˬhoˉvaˬ htaꞈ haꞈ ve chaw geh awˬ chawˇ te ve

Aˬ htoꞈ ma pa taw Yaˬhoˉvaˬ htaꞈ haꞈ ve chaw geh ngaˬ hui awˬ chawˇ te cawˇ ve le? Chaw teˇ gʼaˇ geh awˬ chawˇ te ve lehˬ, ngaˬ hui htaꞈ daꞈ ve leh maˇ daꞈ ve hpawˇ heuˆ la kuiˬ cawˬ ve yoˬ. (Tawˇ 13:20) Jawˇmawˇ Yawˇshaˆ Paw hkuˇ lonˉ Yawˇyaˍdaˆ geh awˬ chawˇ te htaˇ, “Gʼuiˬ sha nyi ma cawˇ ve kanˉ htaꞈ tiˉ te ve yoˬ.” (2 Raˍ 24:2) Yaꞈ hkʼaˇ, Yawˇyaˍdaˆ suh peuˬ hkʼawꞈ nawˉ, Yawˇshaˆ maˇ daꞈ ve chaw geh awˬ chawˇ te ve pa taw, Yaˬhoˉvaˬ htaꞈ baˬ taˉ ve yoˬ.—2 Raˍ 24:17-19

Tcuh yaˇ Pawˇluꞈ teˇ co˗e htaˇ, yawˇ kʼoˆ ve Hkriꞈ yaˇ awˬ moˍ lehˬ “uiˍ ve yehˬ” htaꞈ shuˍ ve yoˬ. Awˬ viˉ awˬ nyi htawˇ yehˬ hkʼaw yehˇ tuˬ ve awˬ hkʼeun htaꞈ shuˍ ve yoˬ. Yehˬ kʼa hkʼaw ve chaw maˇ heˆ leh Hkriꞈ yaˇ awˬ moˍ hkʼaw ve chaw hpehꞈ ve maˇ kʼoˆ, Yaˬhoˉvaˬ maˇ dawˇ cawˇ ve awˬ ceuˬ te ve kʼo, ngaˬ hui yawˇ htaꞈ awˬ chawˇ maˇ te cawˇ ve yoˬ. Chi hkʼe te ve kʼo, ngaˬ hui “awˬ meꞈ awˬ hponˇ cawˬ ve awˬ hkʼeun hpehꞈ tuˬ yoˬ.” (2 Tiˆ 2:20, 21) Chi htaꞈ pa taw, Yaˬhoˉvaˬ htaꞈ haꞈ ve chaw leh yawˇ ve kanˉ te gʼa tuˬ ngaˬ hui htaꞈ awˬ gʼaˇ peꞈ laˇ ve chaw geh awˬ chawˇ te sheˍ.

Maˇ daꞈ ve chaw geh awˬ chawˇ maˇ gʼa te tuˬ ve awˬ hkʼaˇ VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Ngaˬ hui maˇ jawˬ ve hkʼaw maˇ daꞈ ve chaw geh awˬ chawˇ hkʼaˬ hkʼe te la gʼa ve le?

• VDO chi hkʼaw ve awˬ viˉ awˬ nyi 3 gʼaˇ htaꞈ maˇ daꞈ ve chaw geh awˬ chawˇ maˇ gʼa te tuˬ aˬ htoꞈ ma ga piˇ ve le?

• Daꞈ ve chaw geh ngaˬ hui awˬ chawˇ te gʼa tuˬ Liꞈ hpu hkʼaw awˬ liˇ awˬ hkʼaˇ hkʼaˬ teˇ tawn ga laˇ gʼa ve le?