Hpfuhˆ Nyi Tuˬ Awˬ Hkʼaˇ

Yaˬhoˉvaˬ ve Shaˉhkiˆhkanˍ ve chaw hpfuhˆ nyi tuˬ laꞈ caˉ hkʼaw Liꞈ hpu htaꞈ caˉ daꞈ ve kʼoˆ maˍ laˇ taˍ ve nawˬ awˬ bon hkʼaˬ hkʼe gʼa ve le?

Yaˬhoˉvaˬ ve Shaˉhkiˆhkanˍ ve chaw hpfuhˆ nyi tuˬ laꞈ caˉ hkʼaw kʼoˆ maˍ laˇ taˍ ve lehˬ, nawˬ Liꞈ hpu htaꞈ hkʼa dehꞈ na gʼa tuˬ ga laˇ gʼa ve yoˬ. Choˬ kaˬ lo awˬ lawn awˬ tanˇ laiˉ ceuˬ cawˬ ve yoˬ. Tawˇ pa haˉ te kʼo, teˇ co˗e peuˬ teˇ co˗e htaꞈ caˉ daꞈ ve, bvuhꞈ ve awˬ hkʼaˇ leh a shu awˬ pon bvuhꞈ taˍ ve, tawˇ hkawˇ oˇ ve maˇ heˆ leh awˬ tawn oˇ ve htaꞈ caˉ daꞈ ve tcuhˉ kuiˬ kaꞈ kʼoˆ taˍ ve yoˬ.

Shaw nyi kuiˬ Taꞈ yehˬ liꞈ teh kuiˬ bawehˇ leh JW laiˉbraˍliˍ ehˆ (JW Library^®) lehˬ Yaˬhoˉvaˬ ve Shaˉhkiˆhkanˍ ve chaw ve hpfuhˆ nyi tuˬ ve laꞈ caˉ cawˬ ve yoˬ. Nawˬ Liꞈ hpu awˬ tawn htaꞈ nyi ve kʼo, nawˬ awˬ tawn oˇ ve htaꞈ caˉ daꞈ ve hpfuhˆ nyi tuˬ awˬ jaˇ hpawˇ lo nyi gʼa ve yoˬ.

Nawˬ awˬ lawn chi ve teˇ hpaˍ htaꞈ nyi htaˇ, awˬ lawn awˬ suhˉ kʼo awˬ na hpawˇ lo awˉ lawˉ cawˬ ve htaꞈ nyi gʼa ve yoˬ. Awˬ lawn awˬ piˍ kʼo awˬ hawˉ lo cawˬ leh hkʼa shuˍ kʼoˆ maˍ laˇ taˍ ve cawˬ ve yoˬ. Yaꞈ hkʼaˇ, na gʼa ve teˇ hpaˍ hpaˍ kʼo pa˗oˬ ve yoˬ.

• Shaw nyi kuiˬ Taꞈ yehˬ liꞈ teh kuiˬ bawehˇ awˬ hkʼaw lo hpfuhˆ nyi tuˬ ve laꞈ caˉ cawˬ˗oˬ leh nawˬ dao˗lonꞈ tuˬ maˇ loˍ.

• JW laiˉbraˍliˍ ehˆ hkʼaw hpfuhˆ nyi tuˬ ve laꞈ caˉ nawˬ dao˗lonꞈ gʼa ve leh aˆdehn (update) tuˬ cawˬ sheˍ ve kʼo, dao˗lonꞈ gʼa ve yoˬ. Chi hkʼe te gʼa tuˬ, Liꞈ hpu awˬ tawn hkʼaˬ ve teˇ tawn htaꞈ caˉ daꞈ ve hpfuhˆ nyi tuˬ awˬ jaˇ hpawˇ lo nyi sheˍ.