Awˬ lawn 4
Keunˍ daꞈ cawˇ daꞈ ve hkʼaw Liꞈ hpu yehˇ ve
Maꞈhtehˍ 22:41-45
A yeˇ yuˬ cawˇ ve: Liꞈ hpu maˇ gʼaw sheˍ htaˇ na taˍ ve chaw nyi ma htaꞈ gu piˇ sheˍ.
Te tuˬ awˬ hkʼaˇ:
Aˬ htoꞈ ma te nawˬ Liꞈ hpu chi teˇ tawn gʼaw gaˇ ve awˉ lawˉ dawˇ nyi ve. Liꞈ hpu oˇ teˇ tawn aˬ htoꞈ ma te a yeˇ uiˍ ve tehꞈ na taˍ ve chaw shiˍ tuˬ, maˇ gʼaw sheˍ htaˇ kʼoˆ maˍ piˇ sheˍ.
Liꞈ hpu htaꞈ taˍ uiˍ ve. Gʼuiˬ sha htaꞈ yonˍ ve chaw geh tawˇ yaw daꞈ htaˇ, Liꞈ hpu lehˬ “Gʼuiˬ sha ve tawˇ hkawˇ” hpehꞈ ve yoˬ tehꞈ yawˇ dawˇ nawˇ la tuˬ ga piˇ sheˍ. Chi hkʼe te ve kʼo, Liꞈ hpu lehˬ mvuhˇ naw ma lo yaꞈ la ve biˇ jaˇ ve cuˇ yiˍ hpehꞈ ve yoˬ tehꞈ kʼoˆ chehˇ ve yoˬ.
Liꞈ hpu awˬ tawn a yeˇ yuˬ tuˬ te ve. Liꞈ hpu oˇ teˇ tawn hkʼawꞈ laˇ tuˬ ve na hkawˇ htaꞈ na piˇ sheˍ. Liꞈ hpu oˇ teˇ tawn gu tuˬ ve awˬ lawn, maˇ heˆ leh cawˬ taˍ ve awˬ liˇ awˬ hkʼaˇ htaꞈ kʼoˆ piˇ sheˍ.