Awˬ lawn 2
Na sha ve hkʼaw yawˆ yan ve tawˇ yaw ve
2 Kawˇrenˍhtuˆ 2:17
A yeˇ yuˬ cawˇ ve: Tawˇ yaw jaw muiˬ ve hkʼe yaw sheˍ, nawˬ kʼoˆ gaˇ ve awˬ lawn leh na taˍ ve chaw htaꞈ nawˬ hkʼaˬ hkʼe dawˇ ve nyi ma awˬ tawˬ hkʼa gaˬ tawˆ la piˇ sheˍ.
Te tuˬ awˬ hkʼaˇ:
Bon lawˬ leh hkʼa dehꞈ gu ve. Nawˬ maˍ tuˬ ve awˬ lawn htaꞈ dawˇ tcuhˉ taˍ tuˬ bon lawˬ sheˍ. Nawˬ awˬ to htaꞈ dawˇ tcuhˉ taˍ tuˬ bon lawˬ ve maˇ heˆ. Nawˬ tawˇ yaw tuˬ ve a yeˇ uiˍ ve awˬ ceuˬ htaꞈ tawnˇ taˍ sheˍ. Tawˇ yaw htaˇ nawˬ ve tawˇ htaꞈ yehˇ sheˍ. Liꞈ mehˆ teˇ mehˆ le le tawnˇ taˍ leh gʼaw tawˆ ve hkʼe taˇ te.
Nyi ma hkʼaw tawˆ la ve tawˇ yaw ve. Aˬ htoꞈ ma te na taˍ ve chaw awˬ lawn chi ve kaˇ tuˬ loˍ ve hkʼaˬ htaˆ kaꞈ dawˇ nyi sheˍ. Chi hkʼe te ve kʼo, nawˬ mehˆ hpfuhˇ awˬ hoꞈ awˬ han te tawˆ la ve lehˬ meuˆ daꞈ gaˇ ve hkʼe hpehꞈ tuˬ yoˬ.
Na taˍ ve chaw mehˆ hpfuhˇ htaꞈ nyi ve. Nawˬ ve chaw liˇ vaˇ liˇ hkʼaw chi hkʼe te hpehꞈ ve kʼo, te sheˍ. Nawˬ bon maˍ htaˇ, na taˍ ve chaw mehˆ hpfuhˇ htaꞈ teˇ gʼaˇ peuˬ teˇ gʼaˇ nyi sheˍ, chaw awˬ moˍ lonˉ hkʼoˆ nyi peu ve ceh taˇ te.