Kʼa muiˬ liꞈ 45
Ngaˬ ve nyi ma hkʼaw cawˬ ve teˇ hpaˍ
1. Nyi ma awˬ tawˬ cawˬ ve teˇ hpaˍ,
Teˇ nyi tanˇ vanˇ hkʼa dehꞈ dawˇ nyi.
Nyi hkʼaˇ suh tuˬ te laˇ gaˇ ve,
Nawˬ ve yaꞈ kʼaw co co chehˇ tuˬ.
Dawˇ haˍ dawˇ hkiˉ ngaˬ hui cawˬ leh
Maˇ zuhꞈ gʼa tuˬ te laˇ teˇ yanˇ,
Nawˬ leh hteˇ cawˇ ve teˇ hpaˍ htaꞈ
Ngaˬ hkʼa dehꞈ dawˇ nyi gaˇ ve yoˬ.
2. Cawˇ jaˇ leh daꞈ kehˬ ve awˬ ceuˬ,
Daꞈ jaˇ ve awˬ ceuˬ teˇ hpaˍ hpaˍ,
Chiˇ mvuh keunˍ ve awˬ ceuˬ hkʼa peu˗eˬ,
Ngaˬ dawˇ sha gaˇ sha te laˇ ve.
Gʼuiˬ sha, nawˬ ve dawˇ hkʼaˇ daꞈ jaˇ!
Awˬ hpfuhˇ ca gʼaw maˇ peuˬ hkʼa gaˬ.
Nawˬ ve tawˇ hkawˇ kaꞈ hkʼa shuˍ yoˬ.
Ngaˬ hkʼa dehꞈ dawˇ nyi gaˇ ve yoˬ.
(Chiˇ 49:3; 63:6; 139:17, 23; Hpi 4:7, 8; 1 Tiˆ 4:15 kaꞈ nyi sheˍ.)