Kʼa muiˬ liꞈ 90
Teˇ gʼaˇ leh teˇ gʼaˇ awˬ gʼaˇ piˇ daꞈ ve
(Heˍbrehˇ 10:24, 25)
1. Ngaˬ hui Yaˬhoˉvaˬ ve kanˉ te tuˬ,
Teˇ gʼaˇ leh teˇ gʼaˇ awˬ gʼaˇ piˇ.
Ngaˬ hui dawˇ sha gawˬ lehˍ ve cawˬ la,
Teˇ moˍ tiˉ hpehꞈ leh haꞈ daꞈ ve.
Gʼuiˬ sha ve chaw haꞈ hanˉ leh yeunˇ hkanˍ,
Haꞈ pehnˇ ve chi htaꞈ pa taw yoˬ.
Hkriꞈ yaˇ awˬ moˍ lehˬ gʼaˇ va kuiˬ hpehꞈ,
Ngaˬ hui kawˆ tuˬ maˇ loˍ ve yoˬ.
2. Awˬ yanˇ cawˇ leh tawˇ gʼa yaw ve kʼo,
Nyi ma sha tuˬ cawˬ la ve yoˬ.
Ngaˬ hui haꞈ ve awˬ chawˇ teˇ hpaˍ htaꞈ
Tawˇ yaw htaˇ, awˬ gʼaˇ gʼa ve yoˬ.
Ngaˬ hui ve dawˇ law kuiˬ shuˍ daꞈ ve,
Teˇ geh kanˉ te gʼa ve daꞈ jaˇ!
Awˬ gʼaˇ piˇ tuˬ awˬ hkʼaˇ htaꞈ ca leh
Awˬ vuiˬ teˇ hpaˍ htaꞈ ga pfuhˇ daꞈ˗oꞈ.
3. Yonˍ ve htaꞈ pa taw ngaˬ hui mawˬ gʼa,
Yaˬhoˉvaˬ ve awˬ nyi laˬ chehˇ.
Yaꞈ kʼaw chi hkʼoˆ toˇ kʼai tcuhˉ taˍ tuˬ,
Ngaˬ hui gʼa hpawnˬ daꞈ la cawˇ ve.
Yaˬhoˉvaˬ ve chaw geh chehˇ taˍ leh
Yawˇ htaꞈ co co oˉ kʼoˍ pui tuˬ.
Shu htaꞈ dawˇ nyi awˬ gʼaˇ piˇ a veuˬ,
Ka tiꞈ yeˬ ve htaꞈ haꞈ shaˉ ve.
(Luˉ 22:32; Tcuh 14:21, 22; Gaˍ 6:2; 1 Hteˇ 5:14 kaꞈ nyi sheˍ.)