Kʼa muiˬ liꞈ 38
Yawˇ nawˬ htaꞈ awˬ gʼaˇ cawˬ la piˇ tuˬ yoˬ
(1 Peˍtruˆ 5:10)
1. Awˬ tehˬ ve htaꞈ shiˍ tuˬ, Gʼuiˬ sha nawˬ htaꞈ ga laˇ.
Awˬ gʼeuˆ geh laˬ tuˬ, naˆ hoꞈ hkʼaw kuˬ tawˆ.
Gʼuiˬ sha htaꞈ ca ve leh cawˇ ve awˬ ceuˬ te gaˇ,
Nawˬ nyi ma hkʼaw loˍ ve htaꞈ pa taw yoˬ.
Nawˬ yawˇ geh ka tiꞈ te, bon lawˬ ve hkʼaw.
Yawˇ nawˬ htaꞈ ga jaw leh ga tcuhˉ taˍ ve.
(Kʼawꞈ kʼa kuiˬ)
Yeˍsuˆ awˬ suhˍ vuiˬ hkʼawꞈ peuˬ,
Gʼuiˬ sha ve mawˇ hpehꞈ la.
Nawˬ yeˬ ve chaw hpehꞈ tuˬ,
Gʼuiˬ sha awˬ gʼaˇ peꞈ laˇ.
Yawˇ te jaw ve hkʼe te tuˬ,
Sheh kʼai leh nyi haꞈ shaˉ.
Nawˬ yeˬ ve chaw hpehꞈ tuˬ,
Awˬ gʼaˇ peꞈ laˇ tuˬ yoˬ.
2. Gʼuiˬ sha haꞈ jaˇ ve yaˇ nawˬ hui awˬ pon peꞈ laˇ.
Nawˬ hui dawˇ taˍ ve hkʼe yawˇ hpehꞈ tcuh gaˇ.
Ha lehˬ ve hkʼaw yawˇ lehˬ yaˇ paˍ peꞈ laˇ ve hkʼe,
Yawˇ nawˬ htaꞈ awˬ gʼaˇ cawˬ la piˇ tuˬ yoˬ.
Nawˬ yawˇ htaꞈ haꞈ leh yonˍ ve, yawˇ maˇ leunˇ.
Yawˇ nawˬ htaꞈ maˇ chiˇ baˬ, haꞈ shaˉ tuˬ yoˬ.
(Kʼawꞈ kʼa kuiˬ)
Yeˍsuˆ awˬ suhˍ vuiˬ hkʼawꞈ peuˬ,
Gʼuiˬ sha ve mawˇ hpehꞈ la.
Nawˬ yeˬ ve chaw hpehꞈ tuˬ,
Gʼuiˬ sha awˬ gʼaˇ peꞈ laˇ.
Yawˇ te jaw ve hkʼe te tuˬ,
Sheh kʼai leh nyi haꞈ shaˉ.
Nawˬ yeˬ ve chaw hpehꞈ tuˬ,
Awˬ gʼaˇ peꞈ laˇ tuˬ yoˬ.
(Roˉ 8:32; 14:8, 9; Heˍ 6:10; 1 Peˍ 2:9 kaꞈ nyi sheˍ.)