Ilembile Mateu
3 Malambo enao, Juwau Namabadiza atoodhowa kokolani ya Yudeya noroma laleela. 2 Liye alaleela ira: “Muchinyuwe, namwasa oi Umwene wa dhulu uli duzi.” 3 Mwamadhu enala, namaongela Esaya atoovaelatu onga vya liye ira: “Mutu mwinango unaakhuwa kokolani ira: ‘Musaka-edhe ndhila ya Yohova!* Mulinyali-e ndhiladhee.’” 4 Juwau awara yowara ya uzoya wangamila na sintu la tembe yununimwee. Yodyayee yali madhombe na nuwi. 5 Ee-no atu okhumela wu Yerusalemu na visa vyothene vya Yudeya thitho okhumela mamidhi othene avaduzi na i-nje wa Yordani, tanoodhowa wa liye. 6 Liye anoabadiza i-njeni wa Yordani thitho atwao tanoonga vyodawa viwa vari vaatu.
7 Juwau angaoni Afarisi na Asaduki anjinji tadhanga va ubadizonivo, atoafuka ira: “Nyo ananyowa, n’nga mbaani uuwenjeli-idheni ira mutawe thakaleliwa wa dambo la Nlungu? 8 Na e-no muire vyongo vyothonyi-edha chinyuwa. 9 Kamudhinami-enga ira ‘Nitokaana babi-u Abrahamu.’ Namwasa oi ndinouwandelani ira Nlungu unooda m’saka-edhela Abrahamu a-ima khumela wu mabwe ala. 10 Mbadho itomala e-liwa vamichichini yamiri. Ee-no muri uliwethene o-ova-a vyova-a vyapama unokakatiwa noponyedhiwa vamuloni. 11 Miyo ndinoubadizani ma-injeni namwasa oi mutochinyuwa. Mbwenye mutu unodha vasogolo vanga, ngwakopolo kwaranya miyo thitho kandili ofwanelela m’mungula sapatodhee. Liye unodha ubadizani na zimu ochena na mulo. 12 Foxolwee yopurumuchana mavembo ili mandhanimwee thitho imbuwayee yoputhelavo mbeu, unodha icheni-a pama. Tirigu unodha m’elela vathathani, mbwenye mavembo unodha atumeya na mulo o-otimi-eya.”
13 Moi ee-no Yesu atoodhowa wa Juwau wu i-nje wa Yordani khumela wu Galileya, ira liye am’badize. 14 Mbwenye Juwau atoowesedha m’khondi-a voonga ira: “Miyo ngunofwanelela badiziwa nanyo, nyo thitho ngunodha uli miyo?” 15 Yesu atoom’mwakhula ira: “Vahora yen’na rumela ira vikale e-no, namwasa oi ninofuneela irana vyevi ira nikwakwaneli-edhe longomano lothene.” Angaongile e-no atoo-iya m’khondi-a. 16 Angamadhi badiziwa, hora yeniyene Yesu atoothavuwa ma-injenimo. Moi e-no dhulu watoodhuleya thitho Juwau atoona zimu wa Nlungu uthithanga ninga kangaiwa dham’gotela. 17 Thitho vatoovweya madhu okhumela dhulu oonga ira: “Ula ndi Mwananga odhiveliwiwa thitho unondisangalali-a maningi.”