Loroma Lilembile Juwau
5 Mutu uliwethene unororomela ira Yesu ndi Kristu, ndi mwana Nlungu. Thitho atu othene anom’dhiveliwana Baba anom’dhiveliwana thitho mwanee. 2 Ninom’dhiveliwana Nlungu no-arela malamulwee. Nairangana vyongo vyevi ninoidhiwa ira ninodhiveliwana thitho a-ima a Nlungu. 3 Dhiveliwana Nlungu unothapulela a-rela malamulwee, thitho malamulweao mbo-orucha a-arela. 4 Mutu uliwethene uli mwana Nlungu unogonji-a ilambo. Thitho iroromelo yi-u itonikami-a gonji-a ilambo.
5 N’nga mbaani unagonji-e ilambo? N’nga kai mutu wenuo unororomela ira Yesu ndi Mwana Nlungu? 6 Vahora yadha Yesu Kristu atoodhana ma-inje na sangiri. Kaiira adhidhena ma-inje baa-i, mbwenye atoodhana thitho sangiri. Thitho zimu ochena unoirela umboni vyongo vyevi, namwasa oi zimuo ndi imbarimbari. 7 Vatokala vyongo viraru vinonikami-a m’mwidhiwa pama Yesu Kristu. 8 Vyongovyee ndi zimu, ma-inje na sangiri, thitho umboni wa vyongo viraruvi ngovwelana.
9 Pyaimbarimbari ira ninororomela umboni unovelela atu, mbwenye umboni unovelela Nlungu ngokwaranya umboni wenuo. Ee-no ninororomela umboni unovelela Nlungu okhuza Mwanee. 10 Mutu unororomela Mwana Nlungu unorumela rimanimwee umboni um’va-idhe Nlungu. Mutu unokonda a-roromela Nlungu unom’mwiri-a oneya ira Nlunguo ngonama, namwasa oi kanororomela umboni wavelenle Nlungu okhuza Mwanee. 11 Umboni waniva-idhe Nlungu ngoi, liye atooniva-a ingumi yo-omala dhela mwa Mwanee. 12 Mutu urumenle Mwana kuongela ira utokaana ingumi yen’na. Thitho mutu ukondile a-rumela Mwana Nlungu kanokaana ingumi yeniyo.
13 Ndinoulembelani vyongo vyevi ira muidhiwe ira nyo oi munororomela Mwana Nlungu munodha kaana ingumi yo-omala. 14 Thitho i-yo kaninokaikela* ira yongo iliyothene inam’vephe i-yo movwelana na vinofuna liye, unonivuruwana. 15 Thitho voi ninoidhiwa ira unonivuruwana nam’vephanga yongo iliyothene, ninokaana iroromelo ira ninowachela vyongo vivephile i-yovyo.
16 Akala mutu mwinango utoona balee airanga yodawa yoi kanofwanela phiwa, am’lobelele thitho Nlungu unodham’va-a ingumi. Veva ndinoonga vyaatu airile yodawa yoi mutu kanofwanela phiwa. Mbwenye vatokala yodawa inango yofwanela mutu phiwa thitho kandinoonga ira am’lobelele mutu uirile yodawa ninga yen’na. 17 Irana yongo iliyothene yo-olongomana kudawa. Mbwenye vatokala yodawa yoi kinodhi-a wukwa.
18 Ninoidhiwa ira mutu uliwethene oi ndi mwana Nlungu kanokaana ilemeelo yodawa mbwenye mwana* Nlungu unom’mwing’anela ira othakaluo a-am’inde. 19 Ninoidhiwa ira nili atu a Nlungu, mbwenye ilambo yothene ili mandhani mwa othakaluo.* 20 Mbwenye, ninoidhiwa ira Mwana Nlungu atoodha vailamboi thitho atooniva-a zelu ira nim’mwidhiwe Nlungu waimbarimbari. Dhela mwa Mwanee Yesu Kristu, i-yo nili ovwelana na liye. Liye ndi Nlungu waimbarimbari thitho unovelela ingumi yo-omala. 21 A-imanga odhiveliwiwa, murambelenga mafwano.