Karta Lilembile Yakobo
3 Abalanga, vari vinyu kavakale anamafunji-a anjinji, voidhiwa ira tongiwa wi-u unodha kala ulukhulu maningi. 2 Voi i-yo othene ninogwegweduwecha* hora dhinjinji. Akala mutu kanogwegweduwecha voonga, kuongela ira mutu wenuo unooda tonga manungwee othene. 3 Namangelela migo-i milomo yamakavalo ira anivwelenga, ninooda thitho tonga manungwiwa othene. 4 Muthuulele thitho vya mabarko. Angalive ira aliwa ndi malukhulu maningi thitho anowenda mondunyiwa na liphevo lakopolo, atu anoawendi-a anoalinyali na isitabwa ing’ono maningi ira adhowenga unofuna aliwa.
5 Lumi naaliwene thitho ndi isiyano ing’ono, mbwenye inogaya maningi. Kathuulelani mwemo isimulo ing’ono munoka-ela aliwa u-ru ulukhulu. 6 Lumi thitho ndi mulo. Va vyano vyothene vya manungwi-u, lumi ndi lodhaliwana na vyo-olongomana namwasa oi linothakali-a manungo othene noka-a ingumi yothene ya mutu thitho litokaana mulo wa Gehena.* 7 Atu anooda fuwa tundu uliwethene wa vinyama vya-angani, mbalame, vinyama vyowambadha na vyaingumi vya bara thitho takanle tairangana vyevi. 8 Mbwenye kavali mutu unaode fuwa lumi. Lumi to-otongeya na lophei-a thitho todhala na nyongo yopha. 9 Lumi ninoli-indi-edha basa vom’titimi-a Yohova,* oi ndi Baba thitho na lumi limbo-ive lelo ninotembelelana atu apanduchiwile “muifwanafwani-o ya Nlungu.” 10 Valomoni vambo-ive vevo vanokhumi-a madhu otitimi-a na otembelela.
Abalanga, pyo-ofwanelela ira vyongo viireenga mwa ndhila yen’na. 11 N’nga vinoodeya ira puno ya ma-inje ikhumi-enga ma-inje apama na owawa vahora imbo-ive? 12 Abalanga, n’nga muri wa masavu unooda va-a maulivi, venango n’nga muri wa mauva unooda va-a masavu? Masiki puno ya ma-inje a mwinyu kinooda khumi-a ma-inje apama.
13 N’nga vari vinyu vatokala mutu uliwethene wa zelu na ovwechecha vyongo? Akala utokalavo athonyi-edhe vyevi voirana vyongo vyapama vaingumiyee. Airena vyongo vyothene mopwaseya, loi ndi kalelo linodha namwasa wa zelu. 14 Mbwenye akala mirimani mwinyu mutokala bivu nodhiveliwana kangana,* kamugaye namwasa oi irana vyevyo kunami-edha imbarimbari. 15 Yen’na kai zelu yokhumela dhulu, mbwenye ndi yavailambo yavathi, yainyama na yaiwanda. 16 Namwasa oi vali rima wa bivu nodhiveliwana kangana,* vanokala thitho a-vwelana na vyothakala vya tundu uliwethene.
17 Mbwenye zelu yokhumela dhulu, yoroma, njochena, amala yarendele, yololela, yokozeya vwela, yodhaliwana tangaranga na vyova-a vyapama, yo-okaana sakulo, na yo-okaana inyengo. 18 Thitho, longomano ndi yova-a inodhaliwa murendele naatu anokhaathi-a rendele.