YOFUKA 2
N’nga ninaire a-vi ira nim’mwidhiwe Nlungu?
“Bukhu la Ilamuloli kalikhume va lomonivaa. Ulileringa nothuulela modi-a nathana nama-iyu, ira u-arelenga pama vyothene vilembiwile mwemo. Wairanga e-no vinongouwendela pama thitho unodha irana vyongo mwazelu.”
Yoswa 1:8
“Aliwa tatoodhowanave leri bukhu la Ilamulo ya Nlungu waimbambari mogweli-a madhu novwei-a pama thapulelawee. Ee-no tatookami-a atwao vwechecha thapulela wa vyongo vyaleri aliwa.”
Neemiya 8:8
“Osangalala ndi mutu oi kanowenda mo-arela malangi-o aatu othakala . . . , mbwenye unodhiveliwana maningi ilamulo ya Yohova, unoleri nothuulela modi-a ilamuloyo nathana nama-iyu. . . . Vyothene vinoira liye vinom’mwendela pama.”
Salimo 1:1-3
“Filipi atootamangela khundu mwa ngolwiyo thitho atoom’vwa lombwanuo aleringa mogweli-a madhu ulosi wa namaongela Esaya. Moi e-no Filipi atoom’fuka ira: ‘N’nga munovwechecha vinolerinyovyo?’ Liye atoowakhula ira: ‘Ndinavivwecheche a-vi va-akale mutu ondithapulelamo?’”
“Khumela vapanduchiwile ilambo makalelo a Nlungu o-ooneya na metho anaaoneya pama. Makalelo enala a Nlungu, kopolodhee dho-omala na vinotho-nyi-edha ira liye ndi Nlungu anaaoneya dhela mu vyongo vipanduchile liye voi atwao katina mwasa ovweya o-ororomelela ira Nlungu utokalao.”
“Uthuulelenga modi-a vyongo vyevi thitho uviirengana modhivelela ira atu othene taone ira unaadhowa vasogolo.”
“Dhoweni nithuulelena ira nilimbi-ane vamwasa othonyi-edha udhivela noirana mabasa apama. Kani-iye gumaneya vambo-i.”
“Ee-no akala mutu mwinango unorambulela zelu, avephenga wa Nlungu thitho liye unodha m’va-a, namwasa oi liye unovelela modhala mandha waatu othene thitho unovelela mo-oumeleliwa.”